සාකච්ඡා ඉක්මනින් අවසන් කිරීම සඳහා වන ගැටළු පිළිබඳ මතභේද සමනය කිරීම සඳහා ඉන්දියාවේ ජ්යෙෂ්ඨ නිලධාරීන් සහ රටවල් 27 කින් යුත් යුරෝපීය සංගමය ඊයේ (06) බ්රසල්ස් හිදී යෝජිත නිදහස් වෙළඳ ගිවිසුමක් සඳහා වන ඊළඟ වටයේ සාකච්ඡා ආරම්භ කර තිබෙනවා.
දෙපාර්ශ්වය අතර සාකච්ඡාවල 14 වන වටය මෙය වනු ඇති.
වාණිජ හා කර්මාන්ත අමාත්ය පියුෂ් ගෝයාල් මෑතකදී දෙපාර්ශ්වය ඉක්මනින් ගිවිසුමට අත්සන් කරනු ඇතැයි බලාපොරොත්තුව පළ කර තිබුණා.
මෙම ගිවිසුම ද්විපාර්ශ්වික වාණිජ්යය සහ ආයෝජන ඉහළ නැංවීම අරමුණු කර තිබෙනවා.
දෙපාර්ශ්වයම දෙසැම්බර් වන විට සාකච්ඡා අවසන් කිරීමට ඉලක්ක කර ගෙන සිටිනවා
ඉන්දියා-යුරෝපා සංගම් වෙළඳ ගිවිසුම් සාකච්ඡා මගින් භාණ්ඩ වෙළඳාම, සේවා වෙළඳාම, ආයෝජන, රජයේ ප්රසම්පාදනය, ආරවුල් විසඳීම, බුද්ධිමය දේපළ අයිතිවාසිකම්, භූගෝලීය ඇඟවීම් සහ තිරසාර සංවර්ධනය ඇතුළු ප්රතිපත්ති ක්ෂේත්ර 23ක් ආවරණය කෙරෙනවා.
2024-25 දී යුරෝපා සංගමය සමඟ ඉන්දියාවේ ද්විපාර්ශ්වික භාණ්ඩ වෙළඳාම ඩොලර් බිලියන 136.53 ක් වුණා.
ඉන්දීය භාණ්ඩ සඳහා විශාලතම වෙළඳ හවුල්කරුවා වන්නේ යුරෝපා සංගමයයි.
යුරෝපා වෙළඳපොළ ඉන්දියාවේ මුළු අපනයනවලින් සියයට 17 ක් පමණ වනවා.
