නැගෙනහිර තරංගාකාර සුළං ප්රවාහයේ බලපෑම හේතුවෙන් දිවයිනේ උතුරු සහ නැගෙනහිර ප්රදේශවල දැනට පවතින වැසි තත්ත්වය ඉදිරි දින කිහිපයේදී තවදුරටත් බලාපොරොත්තු වනා කාලගුණ විදයට දෙපාර්තමේන්තුව පවසනවා.
අද (17) දිනයට අදාළ කාලගුණ නිවේදනයේ මේ පිළිබද විසින් සඳහන් කර තිබෙනවා.
එමෙන්ම අද (17) දිනයේ දී උතුරු, උතුරු-මැද, නැගෙනහිර, ඌව සහ මධ්යම පළාත්වල විටින් විට වැසි ඇති විය හැකි බවයි කාලගුණ විද්යා දෙපාර්තමේන්තුව නිවේදනය කර ඇත්තේ.
ඒ අතරින් නැගෙනහිර, මධ්යම පළාත්වලත්, බදුල්ල සහ පොලොන්නරුව දිස්ත්රික්කවලත් ඇතැම් ස්ථාන වලට මිලි මීටර් 100 ට වැඩි තද වැසි ඇති විය හැක.
ඊට අමතරව දිවයිනේ සෙසු ප්රදේශවල පස්වරු 1.00 න් පමණ පසුව තැනින් තැන වැසි හෝ ගිගුරුම් සහිත වැසි ඇති විය හැකි අතර ඇතැම් ස්ථාන වලට මිලි මීටර් 75 ට වැඩි තරමක තද වැසි ඇති විය හැකි බව ද කලගුනා විද්යා දෙපාර්තමේන්තුව කාලගුණ නිවේදනයේ සඳහන් කර තිබෙනවා.
මධ්යම කඳුකරයේ නැගෙනහිර බෑවුම් ප්රදේශ වලත්, උතුරු, උතුරු – මැද සහ වයඹ පළාත් වලත් ත්රිකුණාමලය, හම්බන්තොට සහ මොනරාගල දිස්ත්රික්කවලත් විටින් විට හමන පයට කිලෝ මීටර් 40 -50 ක පමණ තද සුළං ඇති විය හැකි බව ද කලගුනා විද්යා දෙපාර්තමේන්තුව පවසනවා.
තවද සබරගමුව සහ මධ්යම පළාත්වලත් ගාල්ල සහ මාතර දිස්ත්රික්කවලත් ඇතැම් ස්ථානවල අළුයම් කාලයේදී මීදුම් සහිත තත්ත්වයක් පැවතිය හැකියාවක් පවතිනවා.
එමෙන්ම ගිගුරුම් සහිත වැසි සමග ඇති විය හැකි තාවකාලික තද සුළං වලින් සහ අකුණු මඟින් සිදු වන අනතුරු අවම කර ගැනීමට අවශ්ය පියවර ගන්නා ලෙස ද කාලගුණ වොද්ය දෙපාර්තමේන්තුව ජනතාවගෙන් ඉල්ලා සිටිනවා.
