පොළොන්නරුව මාදුරුඔය Z-D ඇළට පිඹුරත්තෑව ප්රදේශයේ දී අද (04) අලුයම වැටුණු ඇතෙකු කිලෝ මීටර් පහක් පමණ දුරට ජලයේ සැඩ පහරට ගසාගෙන ගොස් තිබෙනවා.
වෙහෙරගල වනජීවී නිලධාරීන් විසින් සිදුකළ පැය අටක මෙහෙයුමකින් අනතුරුව එම ඇතා ගොඩට ගෙන පිඹුරත්තෑව රක්ෂිතයට පලවා හැරීමට කටයුතු කර ඇති බවයි අප වාර්තාකරු සඳහන් කරන්නේ.
අවුරුදු හතළිහක් පමණ වයස ඇති එම ඇතා උසින් අඩි අටහමාරක් පමණ බව සඳහන්.
අද අලුයම එම ඇළෙන් වතුර බීමට පැමිණි අවස්ථාවේ දී ඇතා ඇළට වැටී ඇති බව වෙහෙරගල වනජීවී නිලධාරීන් සඳහන් කළා.
ජලයේ ගසාගෙන යන ඇතා බේරා ගැනීමට මෙහෙයුම් දියත් කළ ද එම ස්ථානයෙන් ඇතා බේරා ගැනීමට නොහැකි වූ බව එම නිලධාරීන් පවසනවා.
එහිදී සැඩ පහරට ගසාගෙන ගිය ඇතා Z-D ඇළේ තිබූ කොන්ක්රීට් පඩි පෙළකින් ගොඩට පැමිණි බව ද වනජීවි නිලධාරින් සඳහන් කරනවා.
ඔබේ ප්රතිචාරය කුමක්ද ?
+1
5
+1
1
+1
+1
+1
1
+1
+1
