පෝෂනවේදී රනිල් ජයවර්ධන මහතා තම මුහුනුපොත් ගිනුමේ සටහනක් තබා තිබෙනවා.එහි සඳහන් වන්නේ ආහාර අර්බුධය හමුවේ කොස් දෙල් වැනි ආහාර සමග අපිට අපේ පෝෂන අවශ්‍යතා ඉදිරියේ දී කවර ආකාරයකින් විසඳේවී ද යන්න සම්බන්දව අනාවරනයක් කිහිපයකි.එසේම මෙම ගැටලුවට එතුමා කරන යොජනාවන්ද එම සටහනේ ඇතුලත් වෙනවා.
එම සටහන පහතින් ,
ආහාර අර්බූදය…..
නුදුරේදී ඇති වියහැකි ආහාර අර්බුදයට පිළියම කිසිසේත්ම අටු කොස් හෝ කොස් ඇට වැනි අහාර වර්ග කෑමට පුරුදු වීම නොව. එවැනි අහාර මගින් ඔබට අවශ්‍ය නිසි පෝෂණය නොලැබෙන අතර ශ්‍රී ලංකාවේ නුතන පෝෂ්‍ය ගැටළු වලටද විසදුම් ලබා නොදෙයි. විවිධ මාද්‍යයන් තුලින් මේ දිනවල සරළ ආහාර රටාවකට හුරු වීමේ ඇති වැදගත්කම ප්‍රවර්ධනය කිරීමට උත්සාහ දරන බවක් පෙනීයන බැවින් පහත කරුණු කිහිපය ඔබ හමුවේ තැබීමට තීරණය කළෙමි.
පළමුව ශ්‍රී ලංකාවේ කෘෂිකර්මාන්තය වනසාලීමට වැරදි උපදෙස් දුන් ව්‍යාජ විශේෂඥයින්ට වහා දඩුවම් ලබා දිය යුතුය. මන්දයත් ඉදිරියේදී ඇති විය හැකි සාගතයක් වේ නම් එය හුදෙක්ම ඔවුන්ගේ මිත්‍යාමත පදනම්වූ සැලසුම් සහ සැබෑ විෂය විශේෂඥයීන්ට කන් නොදීමේ ප්‍රතිපලයන් නිසා වෙනි.
දෙවනුව අධම පාලකයන් විසින් රටෙන් සොරා කෑ ජාතික ධනය හැකි ඉක්මනින් ආපසු ලබාගෙන අත්‍යවශ්‍ය ආහාර පාන අපනයනය කිරීම සඳහා යොදා ගත යුතුය. රටෙහි ජනතාව නිසි පෝෂණයෙන් තොර අහාර අනුභව කරමින් ඔවුන්ගේ අමන ක්‍රියා වලට කිසිසේත් වන්දි ගෙවිය යුතු නැත.
තෙවනුව කෘෂිකාර්මික විද්‍යාර්ථයින්ගේ උපදෙස් වලට අනුකූලව ශ්‍රී ලංකාවට සුදුසු, දීර්ඝ කාලීන කෘෂිකාර්මික ප්‍රතිපත්ති සැලසුම් කොට ඒවා ක්‍රියාවට නැංවිය යුතුය. නැතහොත් නැවත නැවතත් ණය ලබා ගනිමින් මෙම විෂම චක්‍රයේ සදාකාලිකවම පැටලී සිටීමට ඔබටත් මටත් සිදුවෙනු ඇත.
පෝෂණය පිළිබඳ මහාචාර්ය,
විශේෂඥය වෛද්‍ය රනිල් ජයවර්ධන
wpDiscuz
