2022 ආසියානු කුසලාන තරගාවලියට ඉදිරිපත්වන ශ්රී ලංකා සංචිතය සඳහා ඊයේ (19) ක්රීඩා අමාත්ය රොෂාන් රණසිංහගේ අනුමැතිය හිමි වුණා.
ඒ, අනුව අදාල සංචිතය ක්රීඩා අමාත්යවරයා විසින් ම සිය නිල ට්විටර් ගිණුම ඔස්සේ ප්රසිද්ධියට පත් කරනු ලැබුවේ, වෙනදා මෙන් මධ්ය නිවේදනයක් මඟින් සංචිතය ප්රකාශයට පත් කිරීමට ශ්රී ලංකා ක්රිකට් ආයතනයට ද ඉඩ නොතබමින් වීම විශේෂත්වයක්.
ක්රීඩකයින් විසි දෙනෙකුගෙන් සමන්විත මෙම සංචිතය අනුමැතිය සඳහා ක්රිකට් ආයතනය විසින් පසුගිය 12 වනදා ක්රීඩා අමාත්යවරයා වෙත යොමු කළ බව දන්වා සිටියා.
සතියක් යනතෙක් එලෙස යොමුකළ සංචිතයට අනුමැතිය නොලැබීම සම්බන්ධයෙන් සමාජය තුළ දැඩි කතා බහක් ද මතුව ආවා.
කෙසේ වෙතත් ඊට පිළිතුරු සපයමින් ක්රීඩා අමාත්යවරයා විසින් සිය නිල ට්විටර් ගිණුමට විශේෂ සටහනක් එක්කරමින් ඊයේ (19) පවසා තිබුණේ ආසියානු කුසලාන සංචිතය අනුමැතිය සඳහා තමන් අතට පත්වූයේ අද (එනම් අගෝස්තු 19 වනදා) දිනයේ බවයි.
පැයක් ඇතුළත තමන් විසින් එයට අනුමැතිය ලබාදුන් බව ද ඔහු එහි වැඩිදුරටත් සඳහන් කර තිබුණා.
ඒ, අනුව අමාත්යවරයා පවසන කරුණු අනුව ක්රිකට් තේරීම් කමිටුව විසින් ආසියානු කුසලානය සංචිතය නම්කර අමාත්යවරයා වෙත යොමුකර ඇත්තේ ඊයේ (19) දිනයේ ද යන්න ගැටළුවක්.
