අහුංගල්ල, මරදාන ප්රදේශයේ ඊයේ (10) සිදු වූ වෙඩි තැබීම අහුංගල්ල, ලෝකන්වත්ත ප්රදේශයේ දී පසුගිය බදාදා වෙඩි තබා පුද්ගලයෙක් ඝාතනය කිරීමේ සිද්ධියේ පළිගැනීමක් බවට අනාවරණය වී තිබෙනවා.
පසුගිය බදාදා සිදු වූ වෙඩි තැබීමෙන් ජීවිතක්ෂයට පත් වූ කීර්තිසේන ආබෘෘ යන අයගේ පුතා වන සංවිධානාත්මක අපරාධකරුවකු සහ මත්ද්රව්ය ජාවාරම්කරුවෙකුවන නදීෂ් කුමාර ආබෲ නොහොත් ‘අහුංගල්ලේ බබා’ යන ඊයේ (10) සිදු වූ වෙඩි තැබීම මෙහෙයවා ඇති බවයි මූලික පරීක්ෂණවල දී අනාවරණය වී ඇත්තේ.
ඊයේ (10) පස්වරුවේ අහුංගල්ල, මරදාන ප්රදේශයේ සිදු වූ වෙඩි තැබීමෙන් වයස අවුරුදු 54ක සිවනෙත්ති පියල් ගාමිණී නැමති අයෙක් ජීවිතක්ෂයට පත් වුණා.
යතුරුපැදියකින් පැමිණි නාඳුනන පුද්ගලයින් දෙදෙනෙකු විසින් නිවසේ රැඳී සිටි මෙම පුද්ගලයාට වෙඩි තබා පළාගොස් ඇති අතර, එම පුද්ගලයාට වෙඩි ප්රහාර 05ක් එල්ල වී ඇති බවයි විමර්ශන සිදුකරන පොලිසිය සඳහන් කළේ.
වෙඩි වැදීමෙන් බරපතළ තුවාල ලැබූ එම පුද්ගලයා ප්රථිකාර සඳහා බලපිටිය රෝහලට ඇතුළත් කිරීමෙන් අනතුරුව මියගොස් ඇති බවයි වාර්තා වුණේ.
මේ අතර මෙම වෙඩි තැබීම සිදු වූ ස්ථානයේ මහේස්ත්රාත් පරීක්ෂණය බලපිටිය මහේස්ත්රාත්වරයා විසින් ඊයේ (10) රාත්රියේ සිදුකළ බවයි අහුංගල්ල පොලිසිය සඳහන් කළේ.
මේ අතර පසුගිය බදාදා (08) රාත්රියේ අහුංගල්ල – ලෝකන්වත්ත ප්රදේශයේ දී සිදු වූ වෙඩි තැබීමේ සිද්ධියේ වෙඩික්කරුවන් දෙදෙනා පැමිණි ස්කූටර් වර්ගයේ යතුරුපැදිය කොස්ගොඩ පොලිස් වසමේ මාන්වැලිදූව, සුදු වැලිපොත ප්රදේශයේ ගිනි තබා තිබිය දී පොලිසිය විසින් ඊයේ (10) උදෑසන සොයාගත්තා.
