ආණ්ඩුව විසින් මේ වන විට ආපදා තත්ත්වයෙන් විපතට පත් වූවන් සම්බන්ධයෙන් ගනු ලබන තීරණ දේශපාලනීකරණය කිරීමට උත්සාහ දරමින් සිටින බවට සමගි ජන බලවේගයේ පාර්ලිමේන්තු මන්ත්රී දසාසිරි ජයසේකර පවසනවා.
අද (11) පැවති මාධ්ය හමුවකට එක්වෙමින් ඔහු මේ බව සඳහන් කර සිටියා.
ගංවතුර සහනාධාර මුදල් ලබාදීම සඳහා ඍජුවම ආණ්ඩු පක්ෂයේ පාර්ලිමේන්තු මන්ත්රීවරුන්, ජනතා විමුක්ති පෙරමුණේ ප්රාදේශීය සංවිධායකයගේ සහ ජනතා විමුක්ති පෙරමුණේ ප්රාදේශීය මන්ත්රීවරුන් විසින් සිදු කරන බවත් එලෙස සිදු කිරීම එම ආධාර බෙදාදීම දේශපාලනීකරණයට ලක් කිරීමක් බවත් ඔහු සඳහන් කළා.
”රුපියල් 25,000 මුදල ලබාදීම පාර්ලිමේන්තු මන්ත්රීවරුන් අතින්, නැත්නම් ප්රදේශයේ ජනතා විමුක්ති පෙරමුණේ සංවිධායකයගේ විසින්, නැත්නම් ජනතා විමුක්ති පෙරමුණේ ප්රාදේශීය මන්ත්රීවරයා විසින් කරන තැනකට මෙය සම්පූර්ණයෙන් දේශපාලනීකරණය කිරීමක් සිද්ද කෙරෙමින් යනවා. කවදාවත් ඉතිහාසයේ අපි ගංවතුර ආධාර අවුරුදු 76ක කාලවකවානුව තුළ ආණ්ඩුවේ අය විසින් ගිහිල්ලා මේ ආධාර බෙදා දීම කළේ නැහැ.” යැයි ඔහු වැඩිදුරටත් පවසනු ලැබුවා.
