දෙසැම්බර් මස 04 වැනි දින රජය විසින් සහල් ආනයනයට අවසර ලබා දෙනු ලැබීමේ දින සිට මේ දක්වා සහල් මෙට්රික් ටොන් 79,000ක් ආනයනය කර ඇති බව ශ්රී ලංකා රේගු අධිකාරිය පවසනවා.
එහි මාධ්ය ප්රකාශක අතිරේක රේගු අධ්යක්ෂ ජනරාල් සීවලී අරුක්ගොඩ මහතා පැවසුවේ; 41000ක් තැම්බූ සහල් බවත් ඉතිරි 31,000 කැකුළු සහල් වශයෙන් ආනයනය කර ඇති බවයි.
මේ අතර රාජ්ය වාණිජ විවිධ නීතිගත සංස්ථාව විසින් අද (31) දිනයේ දී ආනයනය කරන ලද සහල් මෙට්රික් ටොන් 780ක ප්රමාණයක් නිෂ්කාෂණය සඳහා අවශ්ය කටයුතු සිදු කරගෙන යන බව ද වාර්තා වනවා.
අදාළ සහල් තොගය නිසි ප්රමිතියෙන් යුතු බවට සහතික කිරීමෙන් පසු ව කඩිනමින් වෙළෙඳපොළ වෙත නිකුත් කිරීමට විශේෂ වැඩපිළිවෙළක් සකසා ඇති බවයි රේගු මාධ්ය ප්රකාශකවරයා පැවසුවේ.
එමෙන්ම වාණිජ නීතිගත සංස්ථාව විසින් පළමු වරට මෙලෙස සහල් ගෙන්වූ බවත් ඉදිරියේ දී ඔවුන්ගේ සහාය හිමිවනු ඇතැයි විශ්වාස කරන බා ද හෙතෙම පැවසුවා.
සෙසු භාණ්ඩවලට වඩා සහල් නිදහස් කිරීමට වැඩි අවස්ථාවක් ලබාදෙන බව ද රේගු අධිකාරිය වැඩිදුරටත් කියා සිටියා.
