ශ්රී ලංකා කණ්ඩායමට අවසන් සහ තුන්වැනි T20 තරගයේ දී සංචාරක ඉන්දීය කණ්ඩායමෙන් ජයග්රහණයට ලකුණු 137ක ඉලක්කයක් හිමිවුණා.
අද (30) තරගය ආරම්භ වීමට පැයක පමණ ප්රමාදයක් ද වර්ෂාව හේතුවෙන් සිදු වූ අතර; තරගයේ කාසියේ වාසිය හිමි වූයේ ශ්රී ලංකා කණ්ඩායමටයි.
ඒ අනුව ශ්රී ලංකා කණ්ඩායමේ නායක චරිත් අසලංක පළමු ව පන්දු රැකීම තෝරා ගත්තා.
ශ්රී ලංකා කණ්ඩායමේ ඇරයුමෙන් පිටියට පිවිසි ඉන්දීය පිතිකරණයට මෙවර නම් සාර්ථක වීමට ශ්රී ලංකා පන්දු යවන්නන් ඉඩ ලබා දුන්නේ නැහැ.
ඒ ඔවුන් ලකුණු 14ක් වනවිට ද කඩුලු 03ක් අහිමි ව සිටීම හේතුවෙන්.
ඉන්දීය ඉනිම වෙනුවෙන් වැඩිම ලකුණුලාභියා වූයේ ශුබ්මන් ගිල් පමණයි.
ඔහු ද රැස් කළේ ලකුණු 39ක් පමණයි.
කඩුලු බිඳ දැමීමේ දී මහීෂ් තීක්ෂණ කඩුලු 03ක් ද, වනිඳුගෙන් කඩුලු 02ක් සහ චමිඳු වික්රමසිංහ, අසිත ප්රනාන්දු සහ රමේෂ් මෙන්ඩිස් එක් ව එක් කඩුල්ල බැගින් බිඳ හෙලීමට සමත් වුණා.
ඒ අනුව පන්දුවාර 20 අවසානයේ දී ඉන්දීය ඉනිම ලියැවී තිබුණේ කඩුලු 09ක් දැවී ලකුණු 137ක් ලෙසයි.
