පන්දුවාර 20-20 ලෝක කුසලාන අවසන් මහා තරගයේ නවසීලන්ත ආරාධනයෙන් පළමුව පන්දුවට පහර දුන් ඉන්දීය කණ්ඩායම නියමිත පන්දුවාර 20 තුළ කඩුලු 05ක් දැවී 255ක දැවැන්ත ලකුණු පුවරුවක් නිර්මාණය කළා.
එහිදී ඉන්දීය ඉනිමට සාර්ථක ආරම්භයක් ලබාදුන් අභිෂේක් ශර්මා සහ සංජු සැම්සන් අර්ධ ශතක රැස් කිරීමට සමත් වුණා.
ඒ, අනුව අභිෂේක් ශර්මා පන්දු 21ක් තුළ ලකුණු 52ක් රැස්කළ අතර, අදත් සුපිරි පිත් හරඹයක් දියත් කළ සංජු සැම්සන් පන්දු 46ක් තුළ වේගවත් ලකුණු 83ක් රැස් කළා.
ඉන්දීය ඉනිමේ තුන්වන කඩුල්ල ලෙස දැවී ගිය ඉෂාන් කිෂාන් ලකුණු 54ක් රැස්කරමින් සිය දායකත්වය ලබා දුන්නා.
පන්දු යැවීමේ දී ජේම්ස් නීෂම් ඉන්දීය කඩුලු 03ක් දවා ගත්තේ ලකුණු 46ක් ලබාදෙමින්.
ඊට අමතරව මැට් හෙන්රි එක් කඩුල්ලක් සහ රචින් රවීන්ද්ර එක් කඩුල්ලක් බිඳ දැමුවා.
ඒ, අනුව 2026 පන්දුවාර 20-20 ලෝක කුසලානය ජයග්රහණය කිරීමට නවසීලන්ත කණ්ඩායමට පන්දු 120ක් තුළ ලකුණු 256ක ඉලක්කයක් හිමිව තිබෙනවා.
