බෝඩර් – ගවස්කාර් ටෙස්ට් තරගාවලියේ පස්වැනි සහ අවසන් ටෙස්ට් තරගයේ දෙවැනි දිනය අද (04) අලුයම 05ට සිඩ්නි හි දී ආරම්භ වුණා.
සංචාරක ඉන්දීය කණ්ඩායම කාසියේ වාසිය දිනා ගනිමින් පළමු ව පන්දුවට පහරදීමට තීරණය කළ අතර ඔවුන් සියලු දෙනා දැවී ලකුණු 185ක් රැස් කළා.
ඉන්දීය කණ්ඩායමේ පිතිකරුවන්ගෙන් ඊයේ දිනයේදිත් දියාරු පිතිකරණයක් නිරූපණය වූ අතර ඔවුන් වෙනුවෙන් වැඩිම ලකුණුලාභියා වූයේ රිෂාබ් පාන්ට්.
පාන්ට් ලකුණු 40ක් ලබා ගත්තා.
කඩුලු බිඳ දැමීමේ දී ස්කොට් බෝලන්ඩ් කඩුලු 04ක්, මිචෙල් ස්ටාක් කඩුලු 03ක්, පැට් කමින්ස් කඩුලු 02ක් සහ එක් කඩුල්ලක් ලියෝන් බිඳ හෙලුවා.
සිය පළමු ඉනිමට පිතිකරණය ඇරඹි ඔස්ට්‍රෙලියානු කණ්ඩායම මේ වනවිට කඩුලු 05ක් බිඳ වැටී ලකුණු 101ක් ලබා සිටිනවා.
ස්ටීවන් ස්මිත් ලකුණු 33කට දැවී යද්දී සෑම් කොන්ස්ටාස් ලකුණු 23කට දැවී ගියා.
06 වැනි කඩුල්ලට පිටියේ රැඳී සිටින්නේ බියු වෙබ්ස්ටර් සමගින් ඇලෙක්ස් කේරි.
කඩුලු බිඳ දැමීමේ දී බුම්රා සහ සිරාජ් කඩුලු 02ක බැගින් බිඳ හෙලූ අතර එක් කඩුල්ලක් ප්‍රසිද්ධ් ක්‍රිෂ්ණාට හිමිවුණා.
ඔස්ට්‍රෙලියානු පළමු ඉනිම දිවා ආහාරයට තරගය නතර කරන විට ලකුණු 84ක් පළමු ඉනිමට වඩා ඉන්දීය කණ්ඩායමේ පසුපසින් සිටිනවා.
