2024 වන විට ශ්රී ලංකාව ප්රසාරණය වන ආර්ථිකයකට අවතීර්ණ වන බව මුදල් රාජ්ය අමාත්ය රංජිත් සියඹලාපිටිය පවසනවා.
ඒ, අනුව අලුත් බදු බරක් පිළිබඳ ජනතාව බිය විය යුතු නොමැති බවයි රාජ්ය අමාත්යවරයා සඳහන් කළේ.
අමාත්යවරයා පෙන්වා දෙන්නේ විවිධ පාර්ශ්ව සෘණාත්මක කෝණයක සිට ඉදිරි වසරේ ආර්ථික තත්ත්වය පිළිබඳ පූර්වකථන සිදුකරන බවයි.
එහෙත් ආර්ථිකය දෙස බැලිය යුත්තේ පූර්ණ සෘණාත්මක හෝ ධනාත්මක කෝණයකින් නොව මධ්යස්ථව බවයි අමාත්යවරයා පෙන්වා දෙන්නේ.
2024 වසරේ දී වැට් බදු අනුපාතය 24% දක්වා ඉහළ යනු ඇතැයි ඇතැම් පාර්ශ්ව සිදුකර ඇති පුරෝකතන සම්බන්ධයෙන් අදහස් දක්වමින් අමාත්යවරයා මේ බව සඳහන් කළා.
මේ අතර වැට් බදු අනුපාතය 24% දක්වා ඉහළ නංවන බවට පැතිර යන ප්රචාර අසත්ය බව මුදල් රාජ්ය අමාත්ය ශෙහාන් සේමසිංහ පසුගියදා පැවසුවා.
එළඹෙන වසර තුළ බදු අනුපාත ඉහළ නංවමින් රජයේ ආදායම් ඉහළ නංවා ගැනීමේ කිසිදු සූදානමක් නැති බව ද ඔහු වැඩිදුරටත් සඳහන් කළා.
