අරාබි රටවල්වලට යන අය වෙනුවෙන් භාෂාව පිලිබඳ පුහුණුවක්

අරාබි රටවල්වලට යන මෙරට පුහුණු නුපුහුණු ශ්‍රමිකයන් සඳහා අරාබි සංස්කෘතිය හා භාෂාව පිළිබඳ ප්‍රමාණවත් පෙර පුහුණුවක් ලබා දීම යන කරුණු සම්බන්ධයෙන් අවධානය යොමු වී තිබෙනවා.

අරාබි ලීගයට අයත් රටවල් 9ක එකතුවෙන් සැදි අරාබි කවුන්සිලයේ සාමාජිකයන් සිව් දෙනෙකු හා අධ්‍යාපන අමාත්‍ය ආචාර්ය සුසිල් ප්‍රේමජයන්ත අතර හමුවක් ඊයේ (25) අධ්‍යාපන අමාත්‍යාංශයේදී පැවැත්වුනා.

මෙරට අරාබි කවුන්සිලයේ නායක පලස්තීන තානාපති සුහායීර් එම්. එච්. ඩාර් සේයිඩ් මහතා (H.E.Dr. Zuhair M.H. Dar Zaid) සමග සවුදි, ඉරාක හා ඊජිප්තු යන රාජ්‍යයන්හි ඉහළ පෙළේ රාජ්‍ය තාන්ත්‍රිකයන් තිදෙනකු මෙම සාකච්ඡාවට එක් වූ අතර එහිදී උසස් අධ්‍යාපන ශිෂ්‍යත්ව හුවමාරු වැඩසටහන් පිළිබඳවද සාකච්ඡාවට බඳුන් වී තිබෙනවා.