පාකිස්ථානයට එරෙහි ඓතිහාසික පළමු විස්සයි විස්ස ජයග්රහණය වාර්තා කිරීමට අයර්ලන්ත කණ්ඩායම ඊයේ සමත් වුණා.
දෙරට අතර ඩබ්ලින් හිදී පැවති පළමු විස්සයි විස්ස තරගය පාකිස්ථානය පරාජය කරමින් අයර්ලන්ත ජයගත්තේ කඩුලු 05කින්.
තරග තුනකින් සමන්විත විස්සයි විස්ස තරගාවලියේ ඊයේ පැවති පළමු තරගයේ පළමුව පන්දුවට පහර දුන් පාකිස්ථානය නියමිත පන්දුවාර 20 තුළ කඩුලු 06ක් දැවී ලකුණු 182ක් රැස් කිරීමට සමත් වුණා.
එහිදී නායක බාබර් අසාම් ලකුණු 57ක් රැස්කළ අතර, ආරම්භක පිත්කරු සයිම් අයුබ් ලකුණු 45ක් රැස් කළා.
පන්දු යැවීමේ දී ක්රේග් යං ලකුණු 27කට කඩුලු 02ක් බිඳ දැමුවා.
අනතුරුව පිළිතුරු ඉනිම ඇරඹු අයර්ලන්තය ලකුණු 183ක ඉලක්කය පන්දුවාර 19යි පන්දු 05ක් තුළ කඩුලු 05ක් දැවී පසුකර ගියා.
එහිදී ඇන්ඩි බල්බර්නි ලකුණු 77ක් රැස්කළ අතර, හැරී ටෙක්ටර් ලකුණු 36ක් රැස් කරමින් අයර්ලන්ත ජයග්රහණය පහසු කළා.
ඒ, අනුව පාකිස්ථානයට එරෙහි පළමු විස්සයි විස්ස තරගය ජයගැනීමට අයර්ලන්තය කණ්ඩායමට හැකියාව ලැබුණා.
