මහා මාර්ගයේ ගමන් කරනු ලබන අනෙකුත් මාර්ග පරිශීලකයන්ගේ ආරක්ෂාව පිළිබඳව නොසැලිකිලිමත්ව අනවධානයෙන් ඔවුන්ගේ ජිවිත අනතුරේ හෙලමින් අධික වේගයෙන් රිය ධාවනය, අනාරක්ෂිත ලෙස අනෙකුත් වාහනවලට ඉස්සර කිරීම (උදාහරණ – තනි රෝදයෙන් හෝ එක් අතකින් පමණක් අපරික්ෂාකාරී අන්දමින් රථ වාහන ධාවනය කිරීම, අනාරක්ෂිත ලෙස දුම්රිය මාර්ගයට පිවිසීම) වැනි සිදුවීම් වලට අදාල වීඩියෝ දර්ශන ශ්රී ලංකා පොලිසිය වෙත යොමු කිරීම තුලින් ඊට සම්බන්ධ සැකකරුවන් සැලකිය යුතු සංඛ්යාවක් ඉතා කඩිනමින් අත්අඩංගුවට ගෙන මේ වන විටත් ඔවුන්ට එරෙහිව නීතිය ක්රියාත්මක කිරීමට හැකි වී තිබෙන බව පොලිසිය පවසනවා.
ඒ අනුව මෙම තත්ත්වය තවදුරටත් ඵලදායි ලෙස ක්රියාත්මක කර පවත්වා ගෙන යාම සඳහා අපරීක්ෂාකාරී හා අන්තරාදායක ලෙස රිය පැදවීමේ සිදුවීම්වලට අදාල වීඩියෝ දර්ශන යොමු කිරීම සඳහා අංක 070-4755600 දරන WhatsApp දුරකථන අංකය පොලිසිය විසින් හඳුන්වා දී තිබෙනවා.
මෙම WhatsApp දුරකථන අංකය රථ වාහන පාලන හා මාර්ග ආරක්ෂාව භාර නියෝජ්ය පොලිස්පතිවරයාගේ සමීප අධීක්ෂණයෙන් යුක්තව දවසේ පැය 24 පුරාම ක්රියාත්මක වන අංකයක්.
අන්තරාදායක හා අපරීක්ෂාකාරී රිය පැදවීම් සම්බන්ධ සිදුවීම් නිරීක්ෂණය වූ විට එය වීඩියෝගත කිරීමට හැකි සෑම විටකම සිදුවීම සිදු වූ දිනය, ස්ථානය හා පොලිස් වසම සඳහන් කර මෙම WhatsApp දුරකථන අංකයට අදාල වීඩියෝ දර්ශනය යොමු කරන මෙන් ශ්රී ලංකා පොලිසිය මහජනතාවගෙන් ඉල්ලා සිටින බව පොලිසිය දැනුම් දෙනවා.
