සූරියවැව, කෝන්කැටිආර ප්රදේශයේ පවත්වාගෙන යන සූදු පොලක් පිළිබදව සූරියවැව පොලිසිය වෙත ලද තොරතුරකට අනුව පොලිස් නිළධාරින් කණ්ඩායමක් විසින් ඊයේ (10) රාත්රීයේ වැටලිමක් සිදුකර තිබුණා.
එහිදී අදාළ වැටලීම සඳහා එහි ගොස් තිබූ පොලිස් නිලධාරීන් දෙදෙනෙක්ට සූදු ක්රීඩාවේ යෙදෙමින් සිටි සැකකරුවන් පිරිසක් විසින් පහරදී ඇති බව වාර්තා වනවා.
ඒ අනුව එලෙස පහරකෑමට ලක්වූ පොලිස් නිලධාරීන් දෙදෙනා සූරියවැව ප්රාදේශිය රෝහලට ඇතුළත් කර ඇති බවයි පොලිසිය සඳහන් කළේ.
කෙසේ වෙතත් පහරදීමක් සිදුකර රාජකාරියට බාධා කරමින් සාපරාධී බලහත්කාරය පෑමේ චෝදනා මත මෙම සිද්ධිය සම්බන්ධයෙන් සැකකරුවන් තිදෙනෙක් අද (11) අලුයම පොලිසිය විසින් අත්අඩංගුවට ගෙන තිබුණා.
මෙලෙස අත්අඩංගුවට ගෙන ඇත්තේ වැලිආර, ධර්මීගම සහ සූරියවැව ප්රදේශවල පදිංචි සැකකරුවන් තිදෙනෙක්.
සිද්ධිය සම්බන්ධයෙන් සූරියවැව පොලිසිය විසින් වැඩිදුර විමර්ෂණ පවත්වන අතර අත්අඩංගුවට පත් සැකකරුවන් හම්බන්තොට මහේස්ත්රාත් අධිකරණයට ඉදිරිපත් කිරිමට නියමිතයි.
