අනවශ්ය විදියට කලබල වී ඉන්ධන රැස්කර නොගන්නා ලෙස බලශක්ති නියෝජ්ය අමාත්ය අර්කම් ඉල්යාස් ජනතාවගෙන් ඉල්ලා සිටිනවා.
රට තුළ අවශ්ය තරම් ඉන්ධන සංචිත පවතින බවයි බලශක්ති නියෝජ්ය අමාත්යවරයා පවසන්නේ.
මාධ්ය වෙත අදහස් දක්වමින් නියෝජ්ය අමාත්යවරයා සඳහන් කළේ මෙරටට ඩීසල්, පෙට්රල්, ගුවන් යානා ඉන්ධන වැඩි ප්රමණයක් පැමිණෙන්නේ මැදපෙරදිග රටවල්වලින් නොවන බවයි.
ඉන්දියාව, සිංගප්පූරුව, මැලේසියාව හෝ අවශ්ය වුවහොත් කොරියාවෙන් එම ඉන්ධන ආයනය කිරීම් සිදුකරන බවයි ඔහු වැඩිදුරටත් සඳහන් කළේ.
මෙහිදී අදහස් දක්වමින් ඔහු පැවසුවේ අද (01) දිනය වනවිට දින 37ක ප්රමාණයකට පෙට්රල් සංචිත පවතින බවයි.
එමෙන්ම ඩීසල් තොග දින 35ක ප්රමාණයකට රට තුළ පවතින බවත්, ගුවන් යානා ඉන්ධන දින 47කට ගබඩාවල පවතින බවයි ඔහු පැවසුවේ.
ඊට අමතරව සූපර් ඩීසල් දින 30ක් සඳහා ගබඩාවල පවතින බවත් නියෝජ්ය අමාත්යවරයා පවසා සිටියා.
මේ අතර අනවශ්ය ආකාරයෙන් ඉන්ධන තොගරැස්කර තබාගන්නා පුද්ගලයින් සම්බන්ධයෙන් සොයා බැලීමට පොලිසිය වෙත උපදෙස් දී ඇති බවත් ඔහු සඳහන් කර සිටියා.
එමෙන්ම අවශ්ය ප්රමාණයකට වඩා ඉන්ධන රැස්කර ගැනීමේ තත්ත්වයකට ජනතාව පෙළඹුනහොත් QR කේතයක් මඟින් ඉන්ධන නිකුත් කිරීමේ තත්ත්වයකට යෑමට සිදුවන බවත් අමාත්යවරයා අවධාරණය කර සිටියා.
