හෙට (01) දිනයේ දී පමණක් වාහන අංක තහඩුවේ අවසන් අංකය තෝරා බැලීමකින් තොරව පිරවුම්හල්වලින් ඉන්ධන ලබාගැනීමට හැකියාව පවතින බව ලංකා ඛනිජ තෙල් නීතිගත සංස්ථාව දැනුම් දෙනවා.
රට තුළ මතුව තිබෙනවා ඉන්ධන අර්බුදය හමුවේ වාහන අංක තහඩුවේ අවසන් අංකය අනුව ඉන්ධන ලබාගැනීමටයි මීට පෙර අවසර හිමි වුණේ.
ඒ, අනුව වාහන අංක තහඩුවේ අවසාන අංකය 0,2,4,6, 8 නම් ඉරට්ටේ දිනවලත්, 1,3,5,7, 9 යන අංක ඔත්තේ දිනවලත් ඉන්ධන නිකුත් කිරීමට සිදුකරනු ලබනවා.
අද (31) දිනය සහ හෙට (01) යන දෙදිනම ඔත්තේ දිනයන්වීම හේතුවෙන් හෙට (01) දිනයේ දී ඉන්ධන නිකුත් කිරීම සම්බන්ධයෙන් ගැටළුකාරී තත්ත්වයක් මතුව තිබුණා.
ඊට පිලියමක් ලෙසයි හෙට (01) දිනයේ දී වාහන අංක තහඩුවේ අවසන් අංකය ඔත්තේ සහ ඉරට්ටේ තෝරා බැලීමකින් තොරව සියලුම වාහන සඳහා ඉන්ධන නිකුත් කිරීමට ඛනිජ තෙල් සංස්ථාව අවස්ථාව ලබා දී ඇත්තේ.
