දෙහිවල අද (20) පෙරවරුවේ වෙඩි වැදීමෙන් බරපතළ තුවාල ලබා රෝහල්ගත කෙරුණු පුද්ගලයා ජීවිතක්ෂයට පත් ව තිබෙනවා.
කඩවත – දෙහිවල මාර්ගයේ දීයි මෙම වෙඩි තැබීම සිදු කෙරුණේ.
එහිදී 45 හැවිරිදි පුද්ගලයෙක් තුවාල ලබා රෝහල්ගත කෙරුණා.
එම පුද්ගලයායි; මෙලෙස මියගොස් ඇති බවට වාර්තා වන්නේ.
——————————————————————————————–
අද (20) පෙරවරුවේ වෙඩි තැබීමක් සිදු ව තිබෙනවා.
මෙම වෙඩි තැබීම සිදු ව ඇත්තේ දෙහිවල – කඩවත මාර්ගයේදීයි.
වෙඩි තැබීමෙන් 45 හැවිරිදි පුද්ගලයෙකු තුවාල ලබා කළුබෝවිල රෝහලට ඇතුළත් කර තිබෙනවා.
වෙඩි තැබීම සිදු කර ඇත්තේ නාඳුනන තුවක්කුකරුවෙකු විසින් බවත් සැකකරුවන් පලා ගොස් ඇති බව ද වාර්තා වනවා.
මේ අතර ඊයේ (19) දිනයේ දී ගෙවුණු පැය 48ක කාලය තුළ සිදු වූ වෙඩි තැබීම් 04ක් වාර්තා වුණා.
එම වෙඩි තැබීම්වලින් දෙකක් පෙරේදා (18) රාත්රියේ දී සිදු වූ අතර දෙහිවල හෝටල් හිමිකරුවෙකු ද ඝාතනය කෙරුණා.
එමෙන්ම ගාල්ල – මාතර ප්රධාන මාර්ගයේ මිදිගම දී ද ඊයේ පෙරවරුවේ පුද්ගලයෙකුට වෙඩි තබා ඝාතනය කෙරුණු අතර තවත් වෙඩි තැබීම් තංගල්ලෙන් ද වාර්තා වුණා.
ඒවායෙන් ද පුද්ගලයින් දෙදෙනකු තුවාල ලැබූ අතර ගෙවුණු පැය 48ක කාලය තුළ මේ වනවිට අද සිදු වූ වෙඩි තැබීම සමග වෙඩි තැබීමේ සිදුවීම් 05ක් වාර්තා වී තිබෙනවා.
