හයිද්‍රාබාද් නායකයා කණ්ඩායම අත්හැර මව්රට බලා නික්මෙයි

සන්රයිසස් හයිද්‍රාබාද් කණ්ඩායමේ නායක කේන් ව්ලියම්සන් මෙවර ඉන්දීය ප්‍රිමියර් තරගාවලියේ ජෛව ආරක්‍ෂිත බුබුළෙන් හදිසියේ ඉවත්ව ගොස් ඇති බව වාර්තා වනවා.

සිය බිරිඳගේ දෙවැනි දරු ප්‍රසූතිය වෙනුවෙන් නැවතත් නවසීලන්තය බලා පිටත්ව යාමට සිදුව තිබීම හේතුවෙන් ඔහු මෙලෙස ජෛව ආරක්‍ෂිත බුබුළෙන් ඉවත්ව ගොස් ඇති බවයි ක්‍රීඩා මාධ්‍ය වාර්තා කළේ.

කෙසේ වෙතත් මෙවර තරගාවලිය තුළ දී එතරම් දක්ෂතා අතර පැමිණීමට ව්ලියම්සන්ට හැකියාව ලැබුණේ නැහැ.

හයිද්‍රාබාද් කණ්ඩායම තරගාවලියේ Playoffs වටය සඳහා සුදුසුකම් ලබා ගතහොත් ඔහු නැවතත් ඉන්දියාවට පැමිණීමේ අපේක්ෂාවෙන් පසුවන බව ද තොරතුරු වාර්තා වනවා.

අපේ කණ්ඩායමේ නායක කේන් ව්ලියම්සන් නැවතත් නවසීලන්තය බලා පිටත්ව යනවා, ඒ ඔහුගේ කැදැල්ලට අලුතින් එක්වන නව සාමාජිකයා පිළිගැනීම වෙනුවෙන්. අප කණ්ඩායමේ සියලුම දෙනා කේන් සහ ඔහුගේ බිරිඳට සුබ පැතුම් එක්කර සිටිනවා.”යනුවෙන් සන්රයිසස් හයිද්‍රාබාද් කණ්ඩායමේ සිය ට්විටර් ගිණුමේ සටහනක් තබමින් නිවේදනය කර තිබුණා.

මේ අතර රාජස්ථාන් රෝයල්ස් කණ්ඩායමේ ප්‍රවේගකාරී පිතිකරු ශිම්රන් හෙට්මයර් ද පසුගිය දා තරගාවලියෙන් ඉවත්වෙමින් බටහිර ඉන්දීය කොදෙව් දේශය බලා නික්මුනේ සිය බිරිඳගේ පළමු දරු ප්‍රසූතිය වෙනුවෙන්.

ඔබේ ප්‍රතිචාරය කුමක්ද ?
පට්ට !
2
අවුල් වගේ !
0
හරි හිනා !
0
හම්මෝ !
1
මාර දුකයි !
1
මලපනිනව !
1
කුජීතයි !
0

සතියේ පලවූ මෙවැනිම පුවත්

spot_img
Subscribe
Notify of
0 Comments
Inline Feedbacks
සියලු ප්‍රතිචාර බලන්න !
spot_img

සතියේ ජනප්‍රියම පුවත්

අපගේ නවතම පුවත්

?