සීදූව ප්‍රදේශයේදී මීට කිහිපයකට පෙර කාන්තාවකගේ ගෙළට බෝතලයක් ඇණ ඝාතනය කිරිමේ සිද්ධියට සම්බන්ධ ප්‍රධාන සැකකරු බන්ධනාගාර නිළධාරින් මගින් සීදූව පොලිසිය වෙත භාරදෙන ලෙස බලන්ගොඩ වැඩ බලන මහේස්ත්‍රාත් ඒ.එමි.එස්. මැණිකේ මහත්මිය නියෝග කළා.
බලන්ගොඩ – මණ්ඩාවෙල ප්‍රදේශයේ පදිංචි 22 හැවිරිදි තරණයෙකු මෙලෙස භාර දීමට කටයුතු කර තිබෙනවා.
මොහු වේදනානාශක අධි මාත්‍රාපෙති 26ක් පානය කර බලන්ගොඩ මුලික රෝහලේ ප්‍රතිකාර ලබමින් සිටියදී ඊයේ (18) දින අත්අඩංගුවට ගෙන ප්‍රශ්න කිරීමේදී මෙම ඝාතනයට සම්බන්ධ බවට අනාවරණය වී තිබෙනවා.
වේදනානාශක පෙති පානය කර මොහු බලන්ගොඩ මුලික රෝහලේ ප්‍රතිකාර ලබමින් සිට ඇති අතර මොහු වේදනා නාශක පෙති පානය කිරීමට හේතුව සම්බන්ධයෙන් බලන්ගොඩ මුලික රෝහල් පොලිසියේ ස්ථානාධිපති විසින් මොහුගෙන් කට උත්තර ලබා ගෙන තිබෙනවා.
එහිදී මොහු පවසා ඇත්තේ තමන්ට වයස අවුරුදු විසි දෙකක් පමණ වෙන බවත් බලන්ගොඩ ඔලුගන්තොට, මණ්ඩාවෙල ප්‍රදේශයේ පදිංචි බවත් සීදූව ප්‍රදේශයේ රැකියාවක නිරත වෙන බවද පවසා ඇති බව සඳහන්.
මීට දින කිහිපයක පෙර සීදූව ප්‍රදේශයේ කාන්තාවක ඝාතනය කර ඇති බවත් සැකකරු බලන්ගොඩ ප්‍රදේශයේ පදිංචි කරැවෙකු බවට වාර්තා වි තිබුණි බැවින් මොහු සම්බන්ධයෙන් සැක සිතු රෝහල් පොලිසියේ ස්ථානාධිපති මේ සම්බන්ධයෙන් බලන්ගොඩ පොලිසිය වෙත දැනුම් දිමක් කර තිබුණා.
එහිදී බලන්ගොඩ පොලිසිය මොහුගෙන් ප්‍රශ්න කිරීමේදී තවදුරටත් අනාවරණය වී ඇත්තේ සීදූව ප්‍රදේශයේදී එම කාන්තාව ඝාතනය කිරිමට මොහු සම්බන්ධ බවයි.
එම කාන්තාව කලින් විවාහක කාන්තාවක වන අතර මොහු සමඟ අනියම් සම්බන්ධතාවයක් ඇති කර ගැනීමත් සමග සැමියා මෙම කාන්තාවක හැර ගොස් ඇති බවට තොරතුරු අනාවරණය වි තිබෙනවා.
පසුව මොහු සමග කුලියට ගත් කාමරයක සිදුව ප්‍රදේශයේ පදිංචි වි සිට ඇති අතර මොහු දිවා රාත්‍රි දෙකේම රැකියාව සදහා යන බවද පවසා ඇති බව සඳහන්.
ඝාතනයට සිදු වු දින මොවුන් පදිංචි කමරයේ මුදල් පසුමිබියක් තිබි හමු වි ඇති අතර ඒ සම්බන්ධයෙන් සැකයක් මතු වි ඇය සමග බහින් බස් විමක් සිදු වි එය දුරදිග ගොස් මෙලෙස බෝතලයකින් ඇණ ඝාතනය කර ඇති බවටද තොරතුරු අනාවරණය වි ඇතැයි පොලිසිය පවසනවා.
මොහු අත්අඩංගුවට ගෙන මේ සම්බන්ධයෙන් සිදුව පොලිස් ස්ථානය වෙතද දැනුම් දිමක් කිරිමට පොලිසිය කටයුතු කළ අතර පසුව මොහු බලන්ගොඩ වැඩ බලන මහේස්ත්‍රාත්වරිය වෙත ඉදිරිපත් කිරීමෙන් පසු බන්ධනාගාර නිළධාරින් මගින් සීදූව පොලිසිය වෙත භාර දෙන ලෙස එහිදී නියෝග කළා.
බලන්ගොඩ පොලිසිය විසින් පරික්ෂණ සිදු කරනු ලැබුවා.
