සමනල වැව සම්බන්ධයෙන් පැතිර යන කටකතා අසත්‍ය බවට කල්තොට ප්‍රාදේශීය ලේකම්වරිය පවසනවා.
ප්‍රාදේශීය ලේකම් නිලන්ති වීරසූරිය සඳහන් කළේ; ”සමනල වැව අවදානම් – කල්තොට ප්‍රදේශයේ ජනතාව කල්පනාවෙන් සිටින” ලෙස පැතිර යන පුවත සාවද්‍ය බවයි.
මෙවැනි දූසමාන ආරංචි සමාජගත වීම හේතුවෙන් ප්‍රදේශවාසීන් බියට පත් ව ඇති බවට ද කල්තොට ප්‍රාදේශීය ලේකම්වරිය සඳහන් කළා.
තමන් මෙම පුවත සම්බන්ධයෙන් සමනල වැව භාර වාරි ඉංජිනේරුවරුන්ගෙන් ද විමසීමක් සිදු කළ සිටි බවයි ඇය සඳහන් කළේ.
එම ඉංජිනේරුවරුන් සමග ජලාශය සම්බන්ධයෙන් දීර්ඝ සාකච්ඡාවක් පවත්වා අනතුරුව ගම්වාසීන් මෙන් ම සියලු ම ප්‍රදේශයේ ප්‍රමුඛ පෙළෙහි වගකීම් සහිත පිරිස් දැනුවත් කිරීමට ද පියවර ගත් බව ද ප්‍රාදේශීය ලේකම්වරිය පැවසුවා.
යම් කිසි අයුරකින් සමනල වැව අනාරක්ෂිත වූවා නම්; ඒ පිළිබඳ ව දැනුම්වත් කරන්නේ නිසි වැඩපිළිවෙළක් සමගින් බව ද ඇය කියා සිටියා.
wpDiscuz
