තිදෙනෙකුට ජීවිත අහිමිකරමින් අද (21) පෙරවරුවේ හැටන්, මල්ලිඅප්පුව ප්රදේශයේ සිදු වූ බස් රථ අනතුරට හේතුව රථයේ ඇති වූ කාර්මික දෝෂයක් බවට අනාවරණය වී තිබෙනවා.
බස් රථයේ හදිසියේ ඇති වූ කාර්මික දෝෂය හේතුවෙන් එය රියදුරු පාලනයෙන් මිදි මාර්ගයෙන් ඉවතට පැන ප්රපාතයට පෙරළී මෙම අනතුර සිදුව තිබුණා.
මෙලෙස අනතුරට ලක්ව තිබුණේ හැටන් සිට මහනුවර දක්වා ධාවනය වෙමින් තිබූ පෞද්ගලික බස් රථයක්.
අනතුරින් තුවාල ලැබූ 44 දෙනෙක් ප්රතිකාර සඳහා දික්ඔය මූලික රෝහලට ඇතුළත් කර ඇති අතර, බරපතළ තත්ත්වයේ සිටි තුවාලකරුවන් කිහිප දෙනෙක් නාවලපිටිය දිස්ත්රික් මහ රෝහලට සහ මහනුවර ශික්ෂණ රෝහලට මාරු කර යවා තිබුණා.
තුවාලකරුවන් අතර බස් රථයේ රියදුරු සහ කොන්දොස්තරවරයා ද සිටින බවයි අප වාර්තාකරු සඳහන් කළේ.
අනතුරෙන් මියගොස් ඇත්තේ අවු 06ක පිරිමි දරුවෙක්, කාන්තාවක් සහ පිරිමි පුද්ගලයෙක්.
