වෙසක් දන්සැල් ලියාපදිංචිය ඇරඹේ

වෙසක් පොහොය නිමිත්තෙන් පවත්වනු දන්සැල් ලියාපදිංචි කිරීම මේ වනවිට ආරම්භ කර ඇති බව මහජන සෞඛ්‍ය පරීක්ෂකවරුනගේ සංගමය සඳහන් කරනවා.

ඒ, අනුව දන්සැල් පැවැත්වීමට පෙර දින සහ දන්සැල් පැවැත්වෙන දිනය තුළ අදාළ පරීක්ෂා කිරීම් කටයුතු සිදුකරන බවයි එම සංගමයේ සභාපති උපුල් රෝහණගෙන් අප සිදුකළ විමසීමක දී සඳහන් කර සිටියේ.

මේ අතර මේ දිනවල පවතින වැසි තත්ත්වය හේතුවෙන් දන්සැල් ආශ්‍රිතව පාචනය රෝහය පැතිරයාමේ අවදානමක් ද පවතින බව ඔහු සඳහන් කළා.

ඒ, අනුව දන්සැල්වල ආහාර පන සැකසීමේ දී සහ ජලය භාවිතයේ දී සෞඛ්‍යාරක්ෂිතව කටයුතු කරන ලෙස ද මහජන සෞඛ්‍ය පරීක්ෂකවරුනගේ සංගමය දැනුම් දෙනවා.