ගිරිතලේ – බකමූණ ප්රධාන මාර්ගයේ යාය 19, සෝමියෙල් ප්රදේශයේ දී අද (07) මාර්ගය හරහා ගමන් කරමින් සිටි වන අලියෙකුගේ වෑන් රථයක් ගැටී සිදු වූ අනතුරකින් පසු වන අලියා සිදුකළ පහරදීමකින් වෑන් රථයේ රියදුරා මියගොස් තිබෙනවා.
මෙලෙස මියගොස් ඇත්තේ පොළොන්නරුව, පළුගස්දමන ප්රදේශයේ පදිංචිව සිටි වයස අවුරුදු 28ක තරුණයෙක්.
මාර්ගය හරහා මාරු වෙමින් සිටි වන අලියා වෑන් රථයේ ගිටීමෙන් පසු එම සත්වයා වෑන් රථයට එල්ල කළ ප්රහාරයෙන් පසු එය යෝධ ඇළට පෙරළී ඇති බවයි අප වාර්තාකරු සඳහන් කළේ.
විනෝද චාරිකාවක් ගිය පිරිසක් ඔවුන්ගේ නිවෙස් ඇරලවා රියදුරා ආපසු නිවස වෙත යමින් සිටිය දී මෙම අවාසනාවන්ත අනතුරට මුහුණ පා ඇති බවයි බකමූණ පොලිසිය පැවසුවේ.
මියගිය රියදුරාගේ මෘත ශරීරය බකමූණ ප්රාදේශීය රෝහලේ මෘත ශරීරගාරයේ තැන්පත් කර තිබෙනවා.
අලියෙක් හප්ප ගන්නෙ නැතුව වාහනයක් පදවගන්න බැරි මිනිහෙක්…
අනිවාර්යයෙන්ම මිනිහ අලියට වෙට්ටු දාන්න යන්න ඇති. නැත්නම් හොඳටම බීමත්ව ඉන්න ඇති..
තුවාල වුනු සතා පිපිබඳව කාගෙවත් උනන්දුවක් නැතිවීම පිලිබඳව හරිම කනගාටුවක් දැනෙන්නෙ..