කුරුණෑගල මහ නගර සභාවේ ජාතික ජන බලවේගයේ නාගරික මන්ත්රී බී. ඩබ්. ප්රේමචන්ද්ර, සිය මන්ත්රී ධුරයෙන් ඉල්ලා අස්වීමට තීරණයකර තිබෙනවා.
මේ සම්බන්ධයෙන් ඔහු විසින් නාගරික ලේකම්වරයාට ලිපියක් මඟින් දැනුම් දී ඇති අතර එම ලිපියේ පිටපත් නගරාධිපතිවරයා, නාගරික කොමසාරිස් සහ සියළුම දෙපාර්තමේන්තු ප්රධානීන් වෙතද යොමුකර තිබෙනවා.
නගර සභාව තුළ පවතින අවිධිමත් පාලනය, වංචා, දූෂණ සහ නාස්තිය අවම කරගැනීමට අසමත් වීම හේතුවෙන් තමන් සිය ධුරයෙන් ඉල්ලා අස්වීමට තීරණය කළ බව බී.ඩබ්. ප්රේමචන්ද්ර විසින් අදාළ ලිපියේ සඳහන් කර ඇත්තේ.
අනවසර වෙළෙඳාම්, අනවසර ඉදිකිරීම්, අවිධිමත් ඉන්ධන භාවිතය, අවිධිමත් අතිකාල ගෙවීම්, සේවයට වාර්තා කර පිටව යාම, නගරය පිරිසිදුව පවත්වාගෙන යාමට නොහැකි වීම සහ තවත් විවිධ හේතුන් එම තීරණයට හේතු සාධක වූ බවත් ඔහු ලිපියේ සඳහන් කර තිබෙනවා.
අස් වෙනඑක නෙවෙයි විසදුම. මේවා නැති කරලා රට හදන්න බලන්න ඕනෙ..ජනාධිපති ට කියලා විසදුමක් ගන්න තිබ්බා.පාලනය කෙලින් කරන්න තිබ්බා. වැනෙන්නෙ නැතුව
තව ටිකක් කල් ජීවත් වෙන්න ඕන නේ.
මේ වගේ පෞරුෂත්වයක් නැති අය පත් කිරීම ගැන දිස්ත්රික් නායකත්වය වග කියන්න ඕනේ. ඒ වගේම ඔය කියන මන්ත්රී වරු මූණ බලල කතා කරන උන් නෙවෙයි.