spot_img
AFC Banner
Empty Ad
Empty Ad

ලෝලෙවල් මාර්ගයේ කොටසක් අද රාත්‍රියේ වැසේ

කොළඹ – අවිස්සාවේල්ල මාර්ගයේ (ලෝලෙවල් මාර්ගය) වැල්ලම්පිටිය මංසන්ධියේ සිට කොටිකාවත්ත මංසන්ධිය දක්වා මාර්ග කොටස අද (06) රාත්‍රී 10.00 සිට හෙට (07) පස්වරු 5.00 දක්වා වසා තබන බව මාර්ග සංවර්ධන අධිකාරිය පවසනවා.

ජාතික ජල සම්පාදන සහ ජලප්‍රවහාන මණ්ඩලයේ ඉල්ලීමකට අනුව හදිසි අත්‍යවශ්‍ය ඉදිකිරීම් කටයුත්තක් සඳහා මෙලෙස මාර්ගය වසා තැබීමට සිදුව ඇති බවයි මාර්ග සංවර්ධන අධිකාරිය වැඩිදුරටත් සඳහන් කළේ.

මේ හේතුවෙන් අවිස්සාවේල්ල සිට කොළඹට පැමිණෙන වාහනවලට කොටිකාවත්ත මංසන්ධියෙන් වමට හැරී, ගොතටුව, කොළොන්නාව හරහා දෙමටගොඩ දෙසින් බේස්ලයින් මාර්ගය හෝ කොළොන්නාව මංසන්ධියෙන් නැවත අවිස්සාවේල්ල මාර්ගයට ද පිවිසීමේ හැකියාව පවතිනවා.

එමෙන්ම කොළඹ සිට අවිස්සාවේල්ල දෙසට පැමිණෙන වාහනවලට වැල්ලම්පිටිය පොලිස්ථානය ඉදිරියෙන් දකුණට හැරී, කොළොන්නාව හරහා ගොතටුව නගරයෙන් වමට හැරී කොටිකාවත්ත මංසන්ධියෙන් නැවත අවිස්සාවේල්ල මාර්ගයට පිවිසීමට හැකි බව ද මාර්ග සංවර්ධන අධිකාරිය දැනුම් දෙනවා.

ඔබේ ප්‍රතිචාරය කුමක්ද ?
+1
0
+1
1
+1
1
+1
0
+1
1
+1
0
+1
0
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?