ආණ්ඩුක්රම ව්යවස්ථාවේ විසි දෙවන සංශෝධන පනත් කෙටුම්පත අභියෝගයට ලක් කරමින් ගොනුකර තිබෙන පෙත්සම්වලට අදාළව ලිඛිත දේශන ඉදිරිපත් කිරීමක් නොකරන බව ශ්රී ලංකා නීතීඥ සංගමය මෝසමක් මාර්ගයෙන් ශ්රේෂ්ඨාධිකරණයට දැනුම් දී තිබෙනවා.
එම මෝසම්වලින් දක්වා තිබෙන්නේ, පූර්ණ විනිසුරු මඩුල්ලක් පත්කරන ලෙස තම සංගමය කළ ඉල්ලීම ශ්රෙෂ්ඨාධිකරණය විසින් කිසිඳු හේතුවක් නොදක්වා ප්රතික්ෂේප කර ඇති බවයි.
නීතිපතිවරයාගේ කරුණු දැක්වීමෙන් පසු තම වාචික දේශන ඉදිරිපත් කිරිම සඳහා පෙත්සම්කරුවන් කළ ඉල්ලීමට අවසරය අහිමි වූ බවත් ඔවුන් සිය මෝසම් මඟින් සඳහන්කර තිබෙනවා.
ඒ හේතුවෙන් නීතිපතිවරයා විසින් ඉදිරිපත් කළ කරුණු සම්බන්ධයෙන් පැහැදිලි කිරීම් ඉදිරිපත් කිරීමේ අවස්ථාව අහිමි කෙරුණු බවත් එම මෝසම තුළින් පෙන්වා දී තිබෙනවා.
මේ අතර අදාල පනත් කෙටුම්පත අභියෝගයට ලක් කරමින් ගොනුකර තිබූ පෙත්සම් වලට ලිඛිත දේශන ඉදිරිපත් කිරීමේ කාලය අද සවස 3.00 වන විට අවසන් වුණා.
ඒ වනවිට පාර්ශ්ව ගණනාවක් විසින් ්රේෂ්ඨාධිකරණය හමුවේ සිය ලිඛිත දේශන ඉදිරිපත් කර තිබුණා.
විසි දෙවන සංශෝධන පනත් කෙටුම්පතේ ව්යවස්ථානුකූල භාවය පිළිබඳ ශ්රේෂ්ඨාධිකරණයේ රහසිගත නිගමනය ඉදිරි දිනවල පාර්ලිමේන්තුවේ කතානයකවරයා වෙත යොමු කරන බවත් අගවිනිසුරුවරයා ප්රමුඛ පංච පුද්ගල ශ්රේෂ්ඨාධිකරණ විනිසුරු මඩුල්ලක් විසින් ඊයේ නිවේදනය කර තිබුණි.
