විදුලිබල මණ්ඩලයේ ප්‍රතිව්‍යුහගත කිරීමේ වැඩපිළිවෙලට සහය ලබාදීම වෙනුවෙන් මෙරටට පැමිණ සිටින ලෝක බැංකුවේ බලශක්ති අංශ නීති විශ්ලේෂක ජෝන් ගලිවර් සහ USAID ආයතනය මඟින් ලබා දී ඇති බලශක්ති ප්‍රතිව්‍යුහගත කිරීම් උපදේශක හේමන්ත් සහයි සමඟ බලශක්ති අමාත්‍ය කංචන විජේසේකර විශේෂ සාකච්ඡාවක් පවත්වා තිබෙනවා.
එහිදී විදුලිබල මණ්ඩලය ප්‍රතිව්‍යුහගත කිරීමේ පනත සහ සංක්‍රාන්ති කාලරාමුව පිළිබඳව ඔවුන්ගේ අදහස් සාකච්ඡාවට ලක් වූ බවයි අමාත්‍යවරයා සඳහන් කළේ.
ඉදිරි දින කීපය තුළ විදුලිබල මණ්ඩල ප්‍රතිව්‍යුහගත කිරීමේ කමිටුවේ සාමාජිකයන්, ආසියානු සංවර්ධන බැංකුව, ලෝක බැංකුව, USAID සහ JICA සංවර්ධන නියෝජිත ආයතන මඟින් තාක්ෂණික සහය ලබාගැනීමට ලබා දී ඇති සියලුම උපදේශකයන් සමග සාකච්ඡා කරන බවයි ඔහු වැඩිදුටරත් සඳහන් කළේ.
ඉන් අනතුරුව නව විදුලිබල පනත අවසන් කිරීමට සහ ප්‍රතිව්‍යුහගත කිරීමේ වැඩපිළිවල හඳුන්වාදීමට කටයුතු කරන බව බලශක්ති අමාත්‍යවරයා පැවසුවා.
