කිරි ඉතිරෙන රටක් “Dairy hub” සබරගමු පළාත් ආරම්භකක වැඩසටහන අද (27) රඹුක්කන ප්‍රාදේශීය ලේකම් කාර්යාල ශ්‍රවනාගාරයේ දී පැවැත් වුණා.
මෙම අවස්ථාව සඳහා පරිසර අමාත්‍ය ධම්මික පටබැඳි, කෘෂිකර්ම හා පශු සම්පත් නියෝජ්‍ය අමාත්‍ය නාමල් කරුණාරත්න, සබරගමු පළාත් ආණ්ඩුකාර චම්පා ජානකී රාජරත්න ඇතුළු පිරිසක් සහභාගී වී සිටියා.
මෙහිදී අදහස් දැක් වූ කෘෂිකර්ම හා පශු සම්පත් නියෝජ්‍ය අමාත්‍ය නාමල් කරුණාරත්න,
“පශු වෛද්‍ය කාර්යාල තුන්සීයක මේ ඩේරි හබ් ව්‍යාපෘතිය ආරම්භ කරනවා. ඉතිරි ටිකෙත් ආරම්භ කරනවා. දවසට කිලි ලීටර් ලක්ෂ 10ක් ගන්න එක ලක්ෂ 30 දක්වා වැඩි කරන්න ඕනෑ. පසුගිය කාලයේ හරක් ගෙනාවා ඕස්ට්‍රේලියාවෙන්. හරක් විසිදාහක් ගේන්න ව්‍යාපෘතියක් තිබුණා. හරක් පන්දාහක් ගෙනාවා. අද වෙනකොට හරක් හරසීයක්වත් නෑ. කිසිම නිරෝධායන කටයුත්තකට භාජනය කරලා නොවේ මේ හරක් ගෙනාවේ. මෙලාන් ක්ලූලර් සමාගම සම්බන්ධ කරගෙන ඕස්ට්‍රේලියාවේ සිට මේ හරක් ගෙනාවා. ගෙනල්ලා මෙහේ ඉඳන් තමයි නිරෝධායන කටයුතු කළේ. ඔවුන්ට ලෙඩ රෝග තිබුණා. 2018 මැයි 18 වෙනිදා ඩොලර් මිලියන 11.9ක් නැවතත් එම සමාගමට සල්ලි බැන්දා නෙදර්ලන්ත බැංකුවකින් ණයට අරගෙන. ඉතිරි හරක් ගේන්න දැන් අවුරුදු කීයක්ද, ඒවයේ පොළියත් එක්ක අපි ගෙව්වා. අපිට සල්ලිත් නෑ හරක් තියා හරක්ගේ මයිල් ගහක්වත්, ගොම්බෙට්ටක්වත් අපිට ලැබුණේ නෑ. මේවට අදාළ විමර්ශන යනවා. ඒ වගේ ගොංකං කරන්න ආයෙ ඉඩ නෑ. ඉදිරියේ දී උත්තර බඳින්න සිදුවෙනවා.”
