රජයේ ආදායම් වියදම් කළමනාකරණයේ දී රාජ්ය සේවක වැටුප්, විශ්රාම වැටුප් සහ සුභසාධන දීමනා වෙනුවෙන් ප්රමුඛතාවය ලබා දෙන බව මුදල් රාජ්ය අමාත්ය ශෙහාන් සේමසිංහ පවසනවා.
“පවතින ආර්ථික අර්බුදයෙන් මේ වන විට රටේ ආර්ථිකය යම් ස්ථාවර මට්ටමක පැවතුන ද මෙම අර්බුදයෙන් සම්පූර්ණයෙන්ම මිදීමට හැකියාවක් තවමත් ඇති වී නොමැති බව අපි පිළිගත යුතුයි. ඒ සඳහා අවශ්ය පූර්ණ වැඩසටහන මේ වන විට ක්රියාත්මක වෙමින් පවතිනවා. රජයේ ආදායම් වියදම් කළමනාකරණය කිරීමේදී අත්යාවශ්ය ප්රමුඛතාවයන් වෙනුවෙන් මහා භාණ්ඩාගාරයෙන් ගෙවීම් සිදු කරනවා. මේ පිළිබඳව අනියත බියක් ඇති කර ගත යුතු නැහැ.” යනුවෙන් මුදල් රාජ්ය අමාත්යවරයා වැඩි දුරටත් සඳහන් කළා.
එමෙන්ම මේ වන විට රජයෙන් යම් යම් ව්යාපෘති වෙනුවෙන් ගෙවීමට ඇති බිල්පත් පියවීම සඳහා ක්රමවත් හා අධියරයන් වශයෙන් වැඩපිළිවෙලක් මේ වන විට අදාළ අමාත්යාංශ සමඟ සාකච්ඡා මට්ටමින් පවතින බවයි ඔහු පැවසුවේ.
මේ අතර ජනවාරි සහ පෙබරවාරි මාසවල රාජ්ය සේවක වැටුප් ගෙවීම දැඩි ගැටලුකාරි තත්ත්වයක් මතුව ඇති බව කැබිනට් තීරණ දැනුම්දීමේ මාධ්ය හමුවට එක්වෙමින් අමාත්ය බන්දුල ගුණවර්ධන අද (10) සඳහන් කළා.
