යාපනයේ දූපත් අතර මගී ප්රවාහනයේදී ප්රසිද්ධයට පත් මගී සේවයක් වූ “කුමුදිනී” මගී ප්රවාහන සේවය ඉදිරි දින කිහිපයේදී සුපුරුදු පරිදි ආරම්භ කිරීමට හැකිවන බව යාපනයේ පිහිටි මාර්ග සංවර්ධන අධිකාරිය පවසනවා.
කූරිකට්ටුවාන් ජැටියේ සිට නෙඩුන්තීව් අතර මගී ප්රවාහනයේ නිරත වූ “කුමුදිනී” මගී ප්රවාහන යාත්රාව දැඩි අබලන් තත්වයේ පැවතීම හේතුවෙන් පසුගිය මාස කිහිපය පුරාවට වැල්වැටිතුරෙයි ප්රදේශයේ ගාල් කර එහි ප්රතිසංස්කරණ කටයුතු සිදුකිරීමටයි මාර්ග සංවර්ධන අධිකාරයි පියවර ගනු ලැබුවේ.
කුමුදුනී මුහුදු මගී පවාහන සේවය අහිමි වීමෙන් සාමාන්ය ජනාවට මෙන්ම කාර්යාල සේවකයින්ට ද දූපත් අතර ගමනාගමනයේ දී දැඩි පීඩාවන්ට මුහුණ දීමට සිදුවූ බව සඳහන්.
මාස 3 කට වැඩි කාලයක් වැලිවැටිතුරෙයි ප්රදේශයේදී ප්රතිසංස්කරණය කරනු ලැබූ මගී ප්රවාහන යාත්රාව අද සිට දින දෙකක් තාක්ෂණික කටයුතු සඳහා පරීක්ෂා කර ඉන් අනතුරුව මගී ප්රවාහනය සඳහා යොමු කිරීමට නියමිතයි.
යාත්රාව ප්රතිසංස්කරණය වෙනුවෙන් රුපියල් ලක්ෂ 70ක් පමණ වැය කළ බව ද යාපනය මාර්ග සංවර්ධන අධිකාරිය ප්රකාශ කළා.
“කුමුදිනී” යාත්රාව ප්රතිසංස්කරණය කර අවසන් වීමෙන් පසුව මුහුදට රැගෙන යාමේ අවස්ථාව පොංගල් උත්සවයක් පවත්වා චාරිත්රානුකූලව සැමරීමට ද ජනතාව පියවර ගෙන තිබුණා.