මෙවර පාර්ලිමේන්තු මැතිවරණ පැවැත්වෙන කාලසීමාව තුළ ඇතිවිය හැකි ආපදා තත්ත්වයන් සඳහා මුහුණදීමට විශේෂිත වැඩපිළිවෙලක් සැලසුම් කර ඇති බව ආපදා කළමනාකරණ මධ්‍යස්ථානයේ අධ්‍යක්ෂ ප්‍රදීප් කොඩිප්පිලි පවසනවා.
ඒ, අනුව ආපදා කළමනාකරණ මධ්‍යස්ථානයේ විශේෂිත මැදිරියක් අනිද්දා (12) දිනයේ සිට ක්‍රියාත්මක කරන බවයි අධ්‍යක්ෂවරයා පැවසුවේ.
මෙම විශේෂිත මැදිරිය ලබන 15 වනදා දක්වා ක්‍රියාත්මක කිරීමටයි සැලසුම්කර ඇත්තේ.
කාලගුණ විද්‍යා දෙපාර්තමේන්තුව, වාරිමාර්ග දෙපාර්තමේන්තුව, ජාතික ගොඩනැඟිලි පර්යේෂණ සංවිධානය, පොලිසිය, ත්‍රිවිධ හමුදාව ඇතුළු ආයතන කිහිපයක් මැතිවරණ කොමිසම සමඟ සම්බන්ධ වෙමින් මෙම විශේෂිත වැඩසටහන ක්‍රියාත්මක කරන බවයි අධ්‍යක්ෂවරයා වැඩිදුරටත් සඳහන් කළේ.
මේ සඳහා දුරකථන අංක 06ක් ලබන 12 වනදාට පෙර ලබාදෙන බව ද ඔහු පැවසුවා.
ඔබේ ප්‍රතිචාරය කුමක්ද ?
+1
+1
+1
+1
+1
+1
+1
