බීමතින් සහ අපරික්ෂාකාරී ලෙස රිය ධාවනය කරන රියදුරන් සොයා පොලිසිය දිවයින පුරා විශේෂ මෙහෙයුමක් ආරම්භ කර තිබෙනවා.
වැඩබලන පොලිස්පති ප්රියන්ත වීරසූරිය ඊයේ (21) ලබාදුන් උපදෙස් මත මෙම මෙහෙයුම අරඹා ඇති බවයි පොලිස් මාධ්ය ප්රකාශක ජ්යෙෂ්ඨ පොලිස් අධිකාරි කේ.බී. මනතුංග සඳහන් කළා.
පසුගිය දින කිහිපය තුළ වාර්තා වූ රිය අනතුරු සැළකිල්ලට ගනිමින් සහ එළඹෙන උත්සව සමය ඉලක්ක කරගෙන මෙම මෙහෙයුම් අරඹා තිබෙනවා.
මේ අතර රියදුරන් අපරික්ෂාකාරී ලෙස රිය ධාවනය කරන්නේ නම් 119 හෝ 1997 යන දුරකථන අංකවලට දැනුම් දෙන ලෙස පොලිසිය මහජනතාවට දැනුම් දෙනවා.
