ලොවක් හඳුනන මල්ලවපොර තරුව මෙලොව හැරයයි

සුප්‍රසිද්ධ මෙක්සිකානු මල්ලවපොර ක්‍රීඩක රේ මිස්ටිරියෝ සීනියර් (Rey Misterio Sr) මියගොස් තිබෙනවා.

ඔහුගේ පවුලේ සාමාජිකයින් සඳහන් කළේ පසුගිය 20 වනදා ඔහු මිය යන විට 66 හැවිරිදි වියේ පසු වූ බවයි.

ඔහු ජනප්‍රිය WWE හෝල් ඔෆ් ෆේමර් තරුවක් වන රේ මිස්ටිරියෝ ජුනියර්ගේ (Rey Mysterio Jr) මාමා වනවා.

රේ මිස්ටිරියෝ සීනියර් සිය වෘත්තීය මල්ලවපොර ජීවිතය 1976 දී ආරම්භ කළ අතර, ඔහු 2009 වසරේ දී නිල වශයෙන් විශ්‍රාම ගියා.

කෙසේ වෙතත් මල්ලවපොර ක්‍රීඩාව සඳහා ඔහුට තිබූ දැඩි ආශාව හේතුවෙන් විශ්‍රාම යෑමෙන් අනතුරුවත් විවිධ අවස්ථාවන්වල දී ඔහු රෙස්ලිං වළල්ලට පැමිණියා.

ඔහුගේ මේ අභාවය පිළිබදව ලොව පුරා ඇති ජනප්‍රිය මල්ලවපොර සංගම් රැසක් සිය කණගාටුව පළකර තිබෙනවා.