මහ ඡන්දෙට දේශපාලන පක්ෂ සහ ස්වාධීන කණ්ඩායම් 18ක් නාමයෝජනා දෙයි

එළඹෙන පාර්ලිමේන්තු මැතිවරණය සඳහා ඊයේ (08) දිනය වන විට ස්වාධීන කණ්ඩායම් 203ක් ඇප මුදල් තැන්පත් කර ඇති බව මැතිවරණ කොමිෂන් සභාව නිවේදනය කරනවා.

ඉන් වැඩිම ස්වාධීන කණ්ඩායම් සංඛ්‍යාවක් ඇප මුදල් තැන්පත් කර ඇත්තේ දිගාමඩුල්ල දිස්ත්‍රික්කයෙන් බවයි වාර්තා වන්නේ.

එමෙන්ම ඊයේ (07) දිනයේ දී පමණක් ස්වාධීන කණ්ඩායම් 81ක් ඇප මුදල් තැන්පත් කර ඇති බව එම කොමිෂන් සභාව වැඩිදුරටත් සඳහන් කළා.

මේ අතර මහ මැතිවරණය සඳහා දේශපාලන පක්ෂ සහ ස්වාධීන කණ්ඩායම් 18ක් මේ වනවිට නාමයෝජනා භාර දී තිබෙනවා.

ඊයේ (07) දිනයේ දී පමණක් පිළිගත් දේශපාලන පක්ෂ 07ක් සහ ස්වාධීන කණ්ඩායම් 06ක් මහ මැතිවරණය වෙනුවෙන් නාමයෝජනා භාර දී ඇති බවයි වාර්තා වුණේ.

එළඹෙන පාර්ලිමේන්තු මැතිවරණය වෙනුවෙන් නාමයෝජනා පත්‍ර භාරගැනීම පසුගිය 04 වනදා ආරම්භ වූ අතර එය ලබන ලබන 11 වැනිදා මධ්‍යහ්න 12.00ට අවසන් වීමට නියමිතයි.