ශ්රී ලංකාවේ පසු ආපදා තත්වය කළමනාකරණය කිරීම සදහා මෙරට තුළ භාණ්ඩ සහ අනෙකුත් අත්යාවශ්ය සේවා සපයන්නන් ප්රවාහනය කිරීම සදහා ඇමෙරිකානු ගුවන් හමුදාව සතු සී.- 130 හර්කියුලීස් ගුවන් යානා 02ක් අද (07)
පස්වරුවේ කටුනායක ගුවන් හමුදා කදවුර වෙත පැමිණියා.
මෙම ගුවන් යානය තුළ ඇමෙරිකානු ගලවා ගැනීමේ මැරීන් භටයින් 60 දෙනෙකු ද පැමිණ සිටියා.
මෙම ගුවන් යානා දෙක තායිලන්තයේ පිහිටි ඇමෙරිකානු ගුවන් හමුදා කඳවුරක සිට මෙලෙස කටුනායක ගුවන් හමුදා කඳවුර වෙත පැමිණ තිබුණා.
මෙම ගුවන් යානා කටුනායක ගුවන් හමුදා කදවුරේ සිට අනුරාධපුරය , යාපනය ආදී ගුවන් තොටුපොළ වෙත ප්රවාහන පහසුකම් සැළසීමට නියමිතයි .
මෙම අවස්ථාවට ආරක්ෂක නියෝජ්ය අමාත්ය විශ්රාමික මේජර් ජනරාල් අරුණ ජයසේකර, විද්යා සහ තාක්ෂණ අමාත්ය මහාචාර්ය ක්රිශාන්ත අබේසේන, වරාය සහ සිවිල් ගුවන් සේවා නියෝජ්ය අමාත්ය ජනිත් රුවන් කොඩිතුවක්කු, ශ්රී ලංකාවේ ඇමෙරිකානු තානාපතිනිය ජූලි චන්ග් සහ ආපදා කළමනාකරණ මධ්යස්ථානයේ අධ්යක්ෂ ජනරාල් විශ්රාමික මේජර් ජනරාල් සම්පත් කොටුවේගොඩ ඇතුළු විශාල පිරිසක් පැමිණ සිටියා.
