දොඩම්ගොඩ ප්රාදේශීය සභාවේ ලේකම්වරිය කැබ් රථයෙන් ප්රාදේශීය සභාව වෙත පැමිණෙමින් සිටියදී පාපැදියක් මඟ හරස්කර අවහිර කළ දොඩංගොඩ ප්රාදේශීය සභාවේ හිටපු මන්ත්රීවරයකු පොලිස් අත්අඩංගුවට ගෙන තිබෙනවා.
මෙලෙස අත්අඩංගුවට ගෙන ඇත්තේ ශ්රී ලංකා නිදහස් පක්ෂය නියෝජනය කරන හිටපු මන්ත්රීවරයෙක්.
ඊයේ (5) ප්රාදේශීය සභාවේ ලේකම්වරිය සහ තාක්ෂණ නිලධාරීවරයා කැබ් රථයෙන් පැමිණෙමින් සිටියදී සැකකාර මන්ත්රීවරයා විල්පත ප්රදේශයේ පිහිටි ඔහුගේ වෙළඳසැල ඉදිරිපිට දී කැබ් රථයට ඉදිරියට යාමට නොහැකි ලෙස පාපැදියක් අවහිර කර තිබූ බව සඳහන්.
එහිදී සැකකාර මන්ත්රීවරයා විසින් ඔවුන් අමතා ප්රකාශ කර ඇත්තේ දොඩංගොඩ ප්රාදේශීය සභාවට අයත් කැබ් රථය තාක්ෂණ නිලධාරියාට පැද විය නොහැකි බවත් එම කැබ් රථය ලේකම්තුමිය සහ තාක්ෂණික නිලධාරියා අව භාවිත කර ඇති බවයි.
එලෙස චෝදනා කරමින් පාපැදිය හරස් කර රාජකාරියට බාධා කළ බව පවසමින් එදිනම ප්රාදේශීය ලේකම්වරිය විසින් පොලිසියට පැමිණිලි කර තිබුණා.
මෙම සිද්ධියට විරෝධය පළ කරමින් ඊයේ පෙරවරු 9 සිට සවස 4.30 දක්වා ප්රාදේශීය සභාවේ සේවක සේවිකාවන් විසින් රාජකාරියට වාර්තා කර සේවයෙන් වැළකී සාමකාමී වැඩ වර්ජනයක ද නිරත වූ බවයි අප වාර්තාකරු සඳහන් කළේ.
අත්අඩංගුවට ගත් සැකකාර හිටපු මන්ත්රීවරයා අධිකරණය වෙත ඉදිරිපත් කිරීමට නියමිතයි.
