නාවික හමුදාව, පුල්මුඩේ කෝකිලායි ප්රදේශයට ඔබ්බෙන් වූ මුහුදු ප්රදේශයේ සිදු කල විශේෂ සෝදිසි මෙහෙයුමක් මඟින් නීති විරෝධී ලෙස වාණිජ පුපුරණ ද්රව්ය භාවිතයෙන් ධීවර කටයුතු සිදුකළ පුද්ගලයින් තිදෙනෙකු අත්අඩංගුවට ගෙන තිබෙනවා.
සැකකරුවන් සමඟ ඩිංගි යාත්රාවක් සහ කිලෝග්රෑම් එකසිය පහක පමණ මසුන් තොගයක් සහ නීති විරෝධී ධීවර ආම්පන්න නාවික හමුදා භාරයට ගනු ලැබුවා.
නාවික හමුදාව සඳහන් කළේ ශ්රී ලංකාවට අයත් මුහුද සහ වෙරළ කලාපය ඔස්සේ අඛණ්ඩව සිදුකෙරෙන නීති විරෝධී ධීවර කටයුතු හේතුවෙන් ශ්රී ලංකාවට ආසන්න අවට මුහුදු කලාපයේ මත්ස්ය සම්පත නුදුරු දිනක හීන වී යාමේ අවධානමකට ලක්වීම මැඩපැවැත්වීම සඳහා මෙලෙස මෙහෙයුම් සිදු කරන බවයි.
මෙම මෙහෙයුම මඟින් නාවික හමුදා භාරයට ගත් පුද්ගලයින් වයස අවුරුදු 24 ත් 42 ත් අතර වයසේ පසුවන කුච්චවේලි ප්රදේශයෙහි පදිංචිකරුවන් බවට හඳුනා ගෙන තිබෙනවා.
එම සැකකරුවන් තිදෙනා සමඟ ඩිංගි යාත්රාව, මසුන් තොගය සහ නීති විරෝධී ධීවර ආම්පන්න ඉදිරි නීතිමය කටයුතු සඳහා කුච්චවේලි ධීවර පරීක්ෂක කාර්යාලය වෙත භාර දීමටයි කටයුතු කර ඈත්තේ.
