නීති විරෝධී ලෙස රාත්රී කිමිදුම් කටයුතු සිදුකල සහ සහ වලංගු බලපත්ර රහිතව මුහුදු කූඩැල්ලන් ප්රවාහනය කල පුද්ගලයින් 7 දෙනෙකු සමඟ මුහුදු කූඩැල්ලන් 620ක පමණ තොගයක්, ඩිංගි යාත්රාවක්, ත්රීරෝද රථයක් සහ කිමිදුම් උපකරණ නාවික හමුදා භාරයට ගෙන තිබෙනවා.
තලෙයිමන්නාරම, ඌරුමලෙයි වෙරළ ප්රදේශයේ සහ යාපනය, මණ්ඩතිව් ටී හංදිය මාර්ග බාධකයේ සිදු කළ විශේෂ මෙහෙයුම් මඟිනුයි සැකකරුවන් අත්අඩංගුවට ගැනුනේ.
පසුගිය 25 වනදා රාත්රී තලෙයිමන්නාරම, ඌරුමලෙයි වෙරළ ප්රදේශයේ සිදු කළ විශේෂ සෝදිසි මෙහෙයුමකදී, එම වෙරළ ප්රදේශයේ නවතා තිබු සැකකටයුතු ඩිංගි යාත්රාවක් පරීක්ෂාවට ලක් කර තිබෙනවා.
එහිදී, නීති විරෝධී ලෙස රාත්රී කිමිදුම් කටයුතු කළ පුද්ගලයන් 5 දෙනෙකු සමඟ මුහුදු කූඩැල්ලන් 120ක ප්රමාණයක්, ඩිංගි යාත්රාව සහ කිමිදුම් උපකරණ නාවික හමුදා භාරයට ගනු ලැබුවා.
එමෙන්ම, ඊයේ සවස යාපනය, මණ්ඩතිව් ටී හංදිය මාර්ග බාධකයේදී කළ විශේෂ සෝදිසි මෙහෙයුමකදී, මාර්ගයේ ගමන් ගත් සැකකටයුතු ත්රීරෝද රථයක් නවත්වා පරීක්ෂාවට ලක් කර තිබෙනවා. එහිදී එම ත්රීරෝද රථයේ තිබී බලපත්ර රහිතව ප්රවාහනය කරමින් තිබු මුහුදු කූඩැල්ලන් 500ක ප්රමාණයක් සමඟ පුද්ගලයන් දෙදෙනෙකු සහ එම ත්රීරෝද රථය නාවික හමුදා භාරයට ගෙන තිබෙනවා.
මෙම මෙහෙයුම් මඟින් නාවික හමුදා භාරයට ගත් පුද්ගලයින් වයස අවුරුදු 18 ත් 43 ත් වයසේ පසුවන තලෙයිමන්නාරම සහ යාපනය යන ප්රදේශයන්හි පදිංචිකරුවන් බවටයි හඳුනාගෙන ඇත්තේ.
නාවික හමුදා භාරයට ගත් මුහුදු කූඩැල්ලන් තොගය සමග සැකකරුවන් ඉදිරි නීතිමය කටයුතු සඳහා මන්නාරම ධීවර පරීක්ෂක කාර්යාලය වෙත සහ කයිට්ස් පොලිසිය වෙත භාරදීමට තිබෙනවා.
