spot_imgspot_img
spot_img
SLIC Banner
Empty Ad
Empty Ad

නව විදුලිබල පනතේ තීරණයකට වෘත්තිය සමිතිවල විරෝධය

නව විදුලිබල පනතෙන් ලංකා විදුලිබල මණ්ඩලය ප්‍රධාන සමාගම් 12ක් බවට පත් කිරීමට ගත් තීරණය සම්බන්ධයෙන් විදුලි වෘත්තිය සමිති සිය විරෝධය පල කරනවා.

එමගින් විදුලි උත්පාදනය, සම්ප්‍රේෂණය, බෙදාහැරීම ආදී සියලු කාර්යයන් සමාගම් යටතට පත් වන අතර විදුලිබල මණ්ඩලයේ සියලු සේවකයින් අදාළ අනුප්‍රාප්තික සමාගම්වල සේවකයින් බවට පත් කිරිමට යෝජිතයි.

ලංකා විදුලිබල මණ්ඩලය ප්‍රධාන සමාගම් 12 ක් බවට පත් කෙරෙන විධි විධාන ඇතුළත් විදුලිබල පනත සංශෝධන කෙටුම්පත පසුගියදා ගැසට් කර තිබෙනවා.

එම පනත් කෙටුම්පත පාර්ලිමේන්තුවේ සම්මත වූ දිනයේ සිට විදුලි උත්පාදනය, සම්ප්‍රේෂණය, බෙදා හැරීම, වෙළදාම් කිරීම, සැපයීම සහ ප්‍රසම්පාදනය යන සියලු කාර්යයන්වෙන් වෙන් වශයෙන් සමාගම් වෙත පැවරෙනු ඇති.

පසුගිය වසර කිහිපයක සිට ලංකා විදුලිබල මණ්ඩලය ලද පාඩුව සැළකිල්ලට ගනිමින් මෙම තීරණයට එළැඹ තිබෙනවා. තනි ඒකාබද්ධ ආයතනයක් වශයෙන් මේ වන විට ක්‍රියාත්මක වන ලංකා විදුලිබල මණ්ඩලය සතු වත්කම් ඒ අනුව අදාළ සමාගම් යටතට පත්වනවා.

නව ආයෝජන ආකර්ශණය කර ගැනීම, රජයේ කාබන්හරණ ඉලක්ක වෙත ළඟා වීම දේශගුණික විපර්යාස ප්‍රතිපත්ති ක්‍රියාත්මක කිරීම, පුනර්ජනනීය බලශක්ති දායකත්වය ඉහළ නැංවීම මෙමගින් අපේක්ෂිතයි.

මෙම පනත මගින් ශ්‍රී ලංකා විදුලිබල මණ්ඩලය සියලුම නිලධරයන් හා සේවකයින් අදාළ අනුප්‍රාප්තික සමාගමෙ නිලධරයන් හා සේවකයින් බවට පිළිගනු ලබන අතර, වැටුප් හෝ දීමනා ආදියද පවතින තත්ත්වයට වඩා වාසිදායක බවින් අඩු නොවන පරිදි අදාළ පිළිගැනීම සිදු කරනු ලබනවා.

සිය සේවා කාලය අවසන් වන තෙක් ඔවුන් අනුප්‍රාප්තික සමාගමේ අඛණ්ඩව සේවය කරනු ලබන අතර විශ්‍රාමික ප්‍රතිලාභ ගණනය කිරීම සදහා පමණක් රාජ්‍ය සේවකයෙකු ලෙස පිළිගනු ඇති.

කෙසේ වෙතත් මෙම නව විදුලි පනත් කෙටුම්පතට විදුලිබල ක්ෂේත්‍රය හා සම්බන්ධ වෘත්තීය සමිති දැඩි විරෝධය පල කරනවා.

ඔබේ ප්‍රතිචාරය කුමක්ද ?
+1
0
+1
1
+1
6
+1
2
+1
2
+1
2
+1
2
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?