තලවිල ශාන්ත ආනා දේවස්ථානයේ වාර්ෂික මංගල්යයට සහභාගී වීමට පැමිණ සිටි බැතිමතෙකු පොළඟෙකු දෂ්ට කිරීමෙන් ජීවිතක්ෂයට පත් ව තිබෙනවා.
දසත ප්රාදේශීය වාර්තාකරු පැවසුවේ පෙරේදා (09) අලුයම් කාලයේ දී මරණකාරිය මෙම අනතුරට මුහුණපා ඇති බවයි.
මීගමුව – පෝරුතොට ප්රදේශයේ පදිංචි 49 හැවිරිදි කාන්තාවක් මෙලෙස ජීවිතක්ෂයට පත් ව ඇති අතර ඇය සමග සිටි 12 හැවිරිදි දරුවෙකු ද පොළඟා දෂ්ට කිරීමෙන් බරපතළ තත්ත්වයට පත් ව මීගමුව මහ රෝහලට ඇතුළත් කෙරුණා.
මරණකාරිය ද පොළඟා දෂ්ටනයෙන් පසු දින (08) ප්රතිකාර ලබමින් සිටියදී මියගොස් ඇති බවයි වාර්තා වන්නේ.
කෙසේවෙතත් කුඩා දරුවාගේ සෞඛ්ය තත්ත්වය මේ වනවිට යථා තත්ත්වයට පත් ව තිබෙනවා.
මරණකාරිය සිය ඥාතීන් සමග දේවාල මංගල්යයට පැමිණ තාවකාලික කූඩාරමක් තුළ රාත්රිය ගත කරන අවස්ථාවේ දී මෙම අවාසනාවන්ත ඉරණමට මුහුණ පා ඇති බවයි පැවසෙන්නේ.
මෙපමණ කාලයකට නොවූ දෙයක් මෙය.