ගිනිඅවි සම්බන්ධ දැඩි නීති හඳුන්වා දෙන බවට තායි අග්‍රාමාත්‍යවරයා ප්‍රතිඥා දී තිබෙනවා.
බැංකොක් නගරයට ආසන්නයේ පාසල් සිසුවෙක් විසින් සිදුකරන ලද වෙඩි තැබීමකින් පුද්ගලයින් අටදෙනෙකු මිය ගොස් 22 දෙනෙකු තුවාල ලැබීමෙන් පසුව, තායිලන්ත අගමැති නව තුවක්කු පාලන නීති හඳුන්වාදීමට පොරොන්දු වී ඇති බවයි වාර්තා වන්නේ.
14 හැවිරිදි සිසුවෙක් නොන්තබුරි හි ඩෙබ්සිරින් පාසලට යාමට පෙර නිවසේදී තම සීයා සහ ආච්චි මරා දමා ඇති අතර, පාසල තුළ දී ඔහු ගුරුවරුන් පස්දෙනෙකු වෙඩි තබා ඝාතනය කර ඔහු ද ඊයේ (07) සියදිවි නසා ගෙන තිබුනා.
පසුව, තායි මාධ්‍ය වාර්තා කළේ වෙඩි වැදීමෙන් තුවාල ලබා සිටි සිසුවෙකු ද මිය ගොස් ඇති බවයි.
මෙම සිද්ධියත් සමඟ පොදු ස්ථානවලට ගිනිඅවි රැගෙන යාම තහනම් කිරීමටත්, රජයේ ආරක්ෂක අංශ සාමාජිකයන්ට පමණක් ආයුධ භාවිත කිරීමට හැකි වන ලෙස එම නීති සංශෝධනය කිරීමටත් නියමිත බව තායිලන්ත අග්‍රාමාත්‍ය අනුටින් චාන්විරකුල් පවසා ඇත්තේ.
