ත්රීවීල් රථයකින් නීති විරෝධී ලෙස මත්පැන් ප්රවාහනය කළ “කැප්පෙටිගහලන්ද රතු අක්කා ” නමින් හඳුන්වන කාන්තවක් වැලිපැන්න පොලිසිය විසින් අත්අඩංගුවට ගෙන තිබෙනවා.
වැලිපැන්න පොලිසිය විසින් දෛනිකව ක්රියාත්මක කරන විශේෂ නිරීක්ෂණ රාජකාරී අතරතුර වැලිපැන්න, කැප්පෙටිගහලන්ද මාර්ගයේ ගමන් ගත් ත්රීරෝද රථයක් පරීක්ෂා කිරීමේදී එම ත්රීරෝද රථයේ ප්රවාහනය කරමින් තිබූ නීති විරෝධී මත්පැන් කෑන් කිහිපයක්ම පොලිසිය සොයාගෙන ඇති බවයි වාර්තා වන්නේ.
සිදුකළ විමර්ශනයන් වලින් අනාවරණය වී තිබෙන්නේ කැප්පෙටිගහලන්ද ප්රදේශයේම පදිංචි 35 හැවිරිදි රතු අක්කා යන අන්වර්ථ නාමයෙන් හඳුන්වනු ලබන මෙම කාන්තාව ඇයගේම ත්රී රෝද රථයෙන් මෙසේ මත්පැන් ප්රවාහනය කර ඇති බවයි.
මීට පෙරද මත්පැන් ජාවාරම් සම්බන්ධයෙන් අවස්ථා කිහිපයකදීම චෝදනා එල්ල වූ මෙම කාන්තාව විසින් අලුත්ගම ,බේරුවල, දර්ගා නගරය යන ප්රදේශවලට මෙන්ම කාලවිල ප්රදේශයට ද මෙසේ රාත්රී කාලයේදී මෙම ත්රීවිල් රථය යොදාගෙන මත්පැන් ප්රවාහනය සිදුකර ඇති බව පොලීසිය පවසනවා.
නීති විරෝධී මත්පැන් මිලි ලීටර් ලක්ෂයකට ආසන්න ප්රමාණයක් මෙම ත්රිවිල් රථයේ තිබී පොලිස් අත්අඩංගුවට ගත් ගෙන ඇති බවයි වාර්තා වන්නේ.
