මේ වන විට අප රට බරපතල අභියෝග, බලපෑම් රැසකට රටක් ලෙස මුහුණ දෙමින් තිබෙන බව විපක්ෂ නායක සජිත් ප්රේමදාස පවසනවා.
රටේ ලක්ෂ 220ක් වූ ජනතාව මේ සිදුවන දේ පිළිබඳ සත්යවාදීව ඇති අභියෝග සම්බන්ධයෙන් ප්රශ්න ගැටලු සම්බන්ධයෙන් මනා අවබෝධයක් ලබා ගන්නවා සේම ඒ සම්බන්ධයෙන් අවබෝධයෙන් යුතුව කටයුතු කිරීම අතිශයින්ම වැදගත් බව විපක්ෂ නායකවරයා පෙන්වා දෙන්නේ.
ඔහු මේ බව කියා සිටියේ අද (25) කොට්ටිඹුල්වල රජමහා විහාරයේ ඓතිහාසික කොට්ටිඹුල්වල රාජමහා විහාරීය ශාස්ත්රීය ග්රන්ථය දොරට වැඩීම සහ මකර තොරණ සහිත වාහල්කඩ විවෘත කිරීමේ අවස්ථාව වෙනුවෙන් පැවැති උත්සව අවස්ථාව අමතමින්.
රටේ ආහාර හා ආහාර නොව උද්ධමනය ශීඝ්රයෙන් ඉහළ යන බවත්, විදේශ සංචිත අඩුවෙමින් පවතින බවත්, ආනයන භාණ්ඩවල මිල ඉන්ධන මිල ශීඝ්රයෙන් ඉහළ යමින් ඇති බවත්, විදුලි බිල වැඩි වී සංචාරක ක්ෂේත්රය පහළ වැටී ඇති බවත් විපක්ෂ නායකවරයා පෙන්වා දුන්නා.
විදේශ රටවල සේවය කරන මෙරට ජනතාව නිසා විදේශ ප්රේෂණ ඉහළ ගොස් ඇති මුත් මැදපෙරදිග කලාපයේ යුද තත්ත්වයේ වර්ධනයක් සිදුවුවහොත් විදෙස් ප්රේෂණ පවා අඩුවිය හැකි බවයි විපක්ෂ නායකවරයා සඳහන් කළේ.
පෞඩ ඉතිහාසයක් ඇති අප රටේ ලක්ෂ 220ක් ජනතාවගේ උනන්දුව කැපවීම අධිෂ්ඨානය එකට මුසු කර ගෙන රටක් ලෙස අමාරු වුවත් ඉදිරියට යා යුතු බවත් ඒ සඳහා ඇති තත් නිවැරදි ආකාරයෙන් අවබෝධ කර ගත යුතු බවත් විපක්ෂ නායකවරයා මෙහිදී කියා සිටියා.
