ජාතික රෝහලේ කාන්තා යට ඇඳුම් හොරා අල්ලයි

කොළඹ ජාතික රෝහලේ කාන්තා නේවාසිකාගාරයට හොර රහසේ ඇතුළු වී කාන්තාවන්ගේ යට ඇඳුම් සොරකම් කළ සේවකයෙකු ආරක්ෂක නිලධාරීන් විසින් අල්ලා මරදාන පොලිසිය වෙත භාර දී තිබෙනවා.

සැකකරු අල්ලාගන්නා අවස්ථාවේ දී එලෙස සොරකම් කරන ලද කාන්තා යට ඇඳුම් කිහිපයක් ද ඔහු සන්තකයේ තිබී සොයාගෙන ඇති බවයි වාර්තා වුණේ.

පසුගිය කාලයේ දී කාන්තා නේවාසිකාගාරය තුළ කාන්තා යට ඇඳුම් සීඝ්‍රයෙන් අස්ථානගත වීම සම්බන්ධයෙන් නේවාසිකව සිටින හෙදියන් ආරක්ෂක අංශයට ද දැනුම් දී තිබෙනවා.

ඒ, පිළිබදව අවධානයෙන් සිටි ආරක්ෂක අංශයේ නිලධාරීන් අද (19) අලුයම සැකකරු සුපුරුදු ලෙස නේවාසිකාගාරයට ඇතුළු වී රෙදි වැල්වල දමා තිබූ යටඇඳුම් සොරා ගෙන පිටව යන අවස්ථාවේදී හසුකර ගැනීමට හැකිව ඇති බවයි තොරතුරු වාර්තා වුණේ.

එලෙස අල්ලාගත් සැකකරු මරදාන පොලිසිය වෙත භාරදීමට කටයුතු කර ඇති අතර, ඔහු සෞඛ්‍යය කාර්ය සහායකයකු ලෙස සේවය කරන අයෙකු බවටයි හඳුනගෙන ඇත්තේ.

37 හැවිරිදි වියේ පසුවන සැකකරු කළුතර ප්‍රදේශයේ පදිංචිකරුවෙක්.

අත්අඩංගුවට ගැනුණු සැකකරු අධිකරණය වෙත ඉදිරිපත් කිරීමට නියමිතයි.

ඔබේ ප්‍රතිචාරය කුමක්ද ?
පට්ට !
0
අවුල් වගේ !
0
හරි හිනා !
0
හම්මෝ !
0
මාර දුකයි !
0
මලපනිනව !
0
කුජීතයි !
0
spot_img
Subscribe
Notify of
0 Comments
Inline Feedbacks
සියලු ප්‍රතිචාර බලන්න !
spot_img

සතියේ ජනප්‍රියම පුවත්

අපගේ නවතම පුවත්

?