spot_imgspot_img
spot_img
SLIC Banner
Empty Ad
Empty Ad

Update – ජපාන භූමිකම්පාවෙන් මියගිය සංඛ්‍යාව 13ක් දක්වා ඉහළට

ජපානයේ ඊයේ (01) සිදු වූ භූමිකම්පාවෙන් මියගිය සංඛ්‍යාව තවත් ඉහළ ගොස් තිබෙනවා.

ජපානයේ කියෝඩෝ ප්‍රවෘත්ති ඒජන්සිය වාර්තා කරන්නේ භූමිකම්පාවෙන් පුද්ගලයින් 13 දෙනෙක් මේ වනවිට මියගොස් ඇති බවයි.

Update – 2024-01-02, 08.54 AM

ජපානයේ සිදු වූ භූ කම්පනයෙන් මියගිය ගණන ඉහළට

ජපානයේ ඊයේ (01) ඇති වූ ප්‍රබල භූමිකම්පාවෙන් සහ සුනාමි අනතුරු ඇඟවීම්වලින් මියගිය සංඛ්‍යාව ඉහළ ගොස් ඇති බව වාර්තා වනවා.

විදෙස් මාධ්‍ය වාර්තා කරන්නේ මියගිය සංඛ්‍යාව මේ වනවිට 06ක් දක්වා ඉහළ ගොස් ඇති බවයි.

මින් මරණ 04ක් ඉෂිකාවා ප්‍රාන්තයේ සිදුව ඇති බවයි ජපාන බලධාරීන් සඳහන් කළේ.

රික්ටර් මාපකයේ 7.5ක ප්‍රබලත්වයෙන් ජපානයේ බටහිර වෙරළ තීරයේ සිදු වූ මෙම භූ කම්පනයෙන් පසු සුනාමි අනතුරු ඇඟවීමක් නිකුත් කිරීමට ද කටයුතු කළා.

ඒ, අනුව වෙරළබඩ ප්‍රදේශවල වෙසෙන දහස් ගණනක් ජනතාවට උස් බිම් වෙත යන ලෙස දැනුම් දුන් අතර, ඔවුන් එම මධ්‍යස්ථානවල රාත්‍රිය ගත කළ බවයි විදෙස් මාධ්‍ය වැඩිදුරටත් සඳහන් කළේ.

මේ වනවිට වෙරළබඩ ප්‍රදේශවල නිකුත් කර තිබූ සුනාමි අනතුරු ඇඟවීම් ඉවත් කිරීමට කටයුතු කර තිබෙනවා.

භූමිකම්පාවෙන් අනතුරුව පසු කම්පන ද වාර්තා වී ඇති අතර, ජපානයේ කාලගුණ ඒජන්සිය අනතුරු ඇඟවා ඇත්තේ එම පසු කම්පන දින කිහිපයක් පැවතිය හැකි බවයි.

මේ අතර ජපානයට අවශ්‍ය ඕනෑම සහායක් ලබාදීමට ඇමෙරිකාව සූදානම් බව ජනාධිපති ජෝ බයිඩන් සඳහන් කර සිටියා.

ඔබේ ප්‍රතිචාරය කුමක්ද ?
+1
1
+1
1
+1
0
+1
2
+1
8
+1
0
+1
1
Subscribe
Notify of
0 Comments
Inline Feedbacks
සියලු ප්‍රතිචාර බලන්න !

?