ශ්රී ලංකාව සහ සංචාරක ඉන්දීය කණ්ඩායම අතර තරග තුනකින් සමන්විත 20-20 තරගාවලිය අද (27) මහනුවර පල්ලෙකැලේ ජාත්යන්තර ක්රිකට් ක්රීඩාංගණයේ දී ආරම්භ වනවා.
දෙරට අතර පළමු 20-20 තරගය අද (27) රාත්රී 7.00ට ආරම්භවීමට නියමිත අතර, තරගාවලියට පෙර කණ්ඩායම් දෙකේම ක්රීඩකයින් සහභාගී වූ මාධ්ය හමුව ඊයේ (26) පල්ලෙකැලේ දී පැවැත් වුණා.
එහිදී ශ්රී ලංකා විස්සයි විස්ස කණ්ඩායමේ නව නායකත්වයට පත් චරිත් අසලංක මාධ්ය හමුවේ අදහස් දක්වමින් පැවසුවේ තරගාවලිය ආරම්භයට පෙර ශ්රී ලංකා කණ්ඩායමේ ප්රබලතම වේග පන්දු යවන්නන් දෙදෙනෙක් ආබාධයන්ට ලක්වීම නායකයෙක් ලෙස කණගාටුවට පත්වන බවයි.
කෙසේ වෙතත් එවැනි අභියෝගයන්ට මුහුණදීමට නායකයෙක් ලෙස සූදානමින් සිටිය යුතු බවයි චරිත් එහිදී සඳහන් කර සිටියේ.
එමෙන්ම එම ක්රීඩකයින් වෙනුවෙන් හොද ආදේශක ක්රීඩකයින් මේ වනවිටත් කණ්ඩායමට එක්ව ඇති බවත් ඔවුන්ගෙන් තරග ජයග්රහණය කිරීමට උපරිමය ලබා ගන්නා බවයි ඔහු පැවසුවේ.
ඊට අමතරව එල්.පී.එල්. තරගාවලිය ක්රීඩාකර තිබීම මෙම තරගාවලියට හොඳ අවස්ථාවක් වනු ඇති බවයි ඔහු මෙම මාධ්ය සාකච්ඡාවේ දී වැඩිදුරටත් පවසා සිටියේ.
දිනනව දකින්න ආසයි….. ඒත් බෑනෙ…😩