උතුරු පානී ජල යෝජනා ක්රමය සඳහා යෝජිත මොරගහකන්ද ජලාශය වෙනුවට ඒරුවැවේ ජල ධාරිතාවය වැඩිකර එමගින් මහකනදරාව වැවට ජලය ලබාදීමට කටයුතු කරන බවත් ඒ සදහා රුපියල් මිලියන දහසක් වෙන්කරන බවත් තමන්ට ප්රකාශ කළ බව මහකනදරාව ඒකාබද්ධ ගොවි සංවිධානය පවසනවා.
අද දිනයේ ජනාධිපතිවරයාගේ ප්රධානත්වයෙන් විවෘත කරනු ලැබූ මහකනදරාව උතුරු පානීය ජල ව්යාපෘතියේ පළමු අදියර විවෘත කිරීමට විරෝධය පළ කිරිම සම්බන්ධයෙන් එම ගොවි ජනතාව හා ජනාධිපතිවරයා අතර විශේෂ සාකච්ඡාවක් පැවති අතර ඉන් අනතුරුව මහකනදරාව ඒකාබද්ධ ගොවි සංවිධානය විසින් මාධ්යවෙත අදහස් දක්වමින් මේ බව පැවසීය.
අහස්දියෙන් පෝෂණය වන මෙම මහකනදරාව වැව අක්කර අඩි 36250 කජල ධාරිතාවයක් පවතින අතර ඉන් ගොවිතැනට පමණක් අක්කර අඩි 40000 ක ජල ධාරිතාවයක් අවශ්ය පසුබිමක එම අවධානම ගෙන ගොවීන් සිය වගා කටයුතු කරන බැවින් ස්ථිර ජල යෝජනා ක්රමයක් නොමැතිව ජල ව්යාපෘති ක්රියාත්මක කිරීම අවධානමක් බව
මහකනදරාව ඒකාබද්ධ ගොවි සංවිධානයේ භාණ්ඩාගාරික සමන් තුසිත මහතා පවසයි .
එහි සභාපති සුබසිංහ රත්නායක මහතා කියා සිටියේ මහකනදරාව වැවෙන් පානිය ජල ව්යාපෘති සඳහා ජලය ලබාදීම මගින් එක වගා කන්නයක් හෝ සිදු කර ගැනීමට නොහැකි වන බවත් ඒ සඳහා ජනාධිපතිවරයා විසින් ඒරුවැවේන් ජලය ගෙන ඒමට තාවකාලික වැඩපිළිවෙළක් යෝජනා කළද එය සාර්ථක වැඩපිළිවෙළක් නොවන බවත් මොරගහකන්ද ව්යාපෘතිය ක්රියාත්මක කලයුතු බවය.
