චීන බලධාරීන් ඉඩම් අයිතිවාසිකම් ක්රියාකාරිනියකට වෛද්ය ප්රතිකාර ලබා ගැනීම අවහිර කිරීම නතර කළ යුතු බව ඇම්නෙස්ටි ඉන්ටර්නැෂනල් පවසනවා.
ඉඩම් අයිතිවාසිකම් වෙනුවෙන් පෙනී සිටීම සඳහා මෑතකදී මාස 15 ක් රැඳවුම් භාරයේ ගත කළ කාන්තා මානව හිමිකම් ආරක්ෂක යැං ලීගේ පවුලේ අය පවසන්නේ, අත්අඩංගුවේ පසුවන කාලය තුළ සහ ඉන් පසුව වෛද්ය ප්රතිකාර ලබා ගැනීමට නොහැකි වීමෙන් පසු ඇගේ තත්ත්වය වකුගඩු අකර්මණ්ය වීමට හේතු වී ඇති බවයි.
පවුලේ අයට අනුව, ඇය නිදහස් වූ දා සිට, ජීවිතාරක්ෂක ඩයලිසිස් ප්රතිකාර ලබා ගැනීම සඳහා බීජිං වෙත යන ගමන පොලිසිය නැවත නැවතත් අවහිර කර ඇති අතර, නැගෙනහිර පළාතේ ජියැංසු හි ඇගේ නිවසට යාමේ නිදහස සීමා කර තිබෙනවා.
පළිගැනීමක් ලෙස පෙනෙන බරපතළ ලෙස රෝගාතුර වූ කාන්තාවකට හදිසි ප්රතිකාර ප්රතික්ෂේප කිරීම සැමගේ සෞඛ්ය අයිතියට ගරු කිරීම සහ ඉටු කිරීම සඳහා චීනයේ යුතුකම පැහැදිලිව උල්ලංඝනය කිරීමක් බව ඇම්නෙස්ටි ඉන්ටර්නැෂනල් හි නියෝජ්ය කලාපීය අධ්යක්ෂ සාරා බෲක්ස් පැවසුවා.
46 හැවිරිදි යැං ලී, ජියැන්ග්සු හි ජින්ටාන් හි පළාත් පාලන ආයතන විසින් ඉඩම් අත්පත් කර ගැනීම සහ ඒ ආශ්රිත මානව හිමිකම් උල්ලංඝනය කිරීම් අභියෝගයට ලක් කිරීම සඳහා වසර ගණනාවක් නීතිමය මාර්ගවලට ප්රවිශ්ඨ වී තිබෙනවා.
2024 ඔක්තෝබර් සහ 2025 දෙසැම්බර් අතර කාලය තුළ ඇය රඳවා තබා ගන්නා ලද අතර, එම කාලය තුළ ඇය වධහිංසාවලට මුහුණ දුන් බව සඳහන්.
